عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم اخواتي الغاليات
لانكم الوحيدين اللي احبهم واثق فيهم بقولكم سالفتي وابي منك النصيحه
عمري 25 سنه وزوجي اكبر مني بشويه وهو اكبر اخوانه تزوجنا من حوالي سنه و 7 شهور لم نرزق باطفال لحد الان الله يرزقنا يارب وكل مسلم
نسكن في بيت اهل زوجي بالرياض ويسكن معنا اخوه لم يتزوج بعد له قسم الرجال وانا لي غرفتين وحمام وام زوجي لها مجلس الحريم ودوره المياه حقته
بمعنى المطبخ مشترك بينا والصاله وبس
المهم اهل زوجي ساكنين بقريه ويجونا كل ويك اند والاجازات من 5 اايام كانو عندي وجلسوا 15 يوم معززين مكرمين
طبعا انا موظفه انا وزوجي ولنا طريقتنا ووقتنا ونومنا وهم يضايقهم هالشي يحسون ان انا وهو مانبيهم بالعكس تماما نجلس ننتغدا سوا ونطلع مشاوير احيانا
واحبهم واحترمهم
مانسى يوم جيت من شهر العسل لين ام زوجي بالبيت عشان يوديها زوجي الصباح للمستشفى يعني مالقت الا المعرس؟؟؟ظ
طيب فيه ولدك زوجك اخوانك ماعلينا
المهم ياخواتي انا زهقت توهم رايحين من عندي وبيجون اليوم وانا انتظر الويك اند اجلس وانام وارتاح ببيتي والبس براحتي واطلع مع زوجي
وهم مايفكرون الا بروحهم ويلزموني اتصرف مثلهم اروح معهم اجي معهم واذا رفضت زعلت خالتي وش اسوي
انا حالتي زي الزفت اعطيتهم وجه بصراحه وصاروا مايحترموني ابدا لدرجه يدخلون بخصوصياتنا
مسويه زحمه خالتي تقول ودنا نسافر معاكم ومتى تاخذون اجازتكم
تخيلوا السنه اللي طافت كل ماطلب من زوجي نروح نغير جو يعيي يوم وافق رحنا الدمام وراحت معنا عقب مانطلت كلام واجد لاننام بغرفتين غرفه وحده تكفينا وووو
يوم رحنا العمره نفس الحكايه لززززززززقه درجه اولى
طيب روحي مع بنتك زوج بنتها قريب لهم ومن نفس ديرتهم ويمونون عليه كثير
قالت لي لا خلي بنتي تاخذ راحتها قلت طيب ياخالتي وانا بعد ودي اخذ راحتي قالت اي عاد وش اسوي هالابو هو يبي يروح معاكم
تغار مني بكل شي بشعري بلبسي وميكياجي وكلللللللل شي
ومع ذلك وربي ماعاملها الا زي امي واحنن ولدها اكثر عليها واكثر عليها من الهدايا هي واهلها وابو زوجي واخواته واخوه
لكن تعبت
تشوفون الحل نطلع ببيت؟؟؟؟؟؟؟ مستقل لكن الاجار بيقص ظهورنا؟؟؟؟؟؟؟؟
زهقت منهم كل يومين ثلاث عندي وتقول كلشي نشتريه من مقاضي واغراض حتى الفاتوره يسددها ابونا
انتو ماعليكم توظفتي تخيلوا؟؟؟؟؟؟ ام تقول لي هالكلام؟ طيب احنا ماقصرنا
بعد فتره خلاص قلت لزوجي خل نشتري كل شي احنا والمصيبه لين شرينا هالاغراض توديها لاهلها تصلح لهم اكلات وخرابيط ويروحون وبيتنا مافيه ولا شي
تحسد ولدها؟ ان ابوه يحط في البيت؟؟؟؟؟؟؟؟ لاني انا موظفه شووفوا
وش الحل اخواتي طاق براسي اروح لاهلي هالاسبوع واطنشهم لكن زوجي اخاف يزعل
ودايما يرمون علي كلام واتضايق والمصيبه ماتقوله لولدها تقولي اناااااااااااااا
تكفون وش الحل
