عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته تردد تكثييييييييييييير قبل لا اكتب الموضوع لكن الضيقه اللي بصدري كل يوم تزيد ..مشكلتى هى اهل زوجى وكرهم لى مع انهم هم اللي جاو وخطبونى مو انا اللي ركضت وراء ولدهم ..هم من النوع اللي مايخذون الا من بعض لكن زوجى اصر انه مايتزوج من العايله وخطبو له من برا العايله وطحت انا فيهم يعنى اي دخيله عليهم مايحبونها ..حاولت في بداية زواجى انى اكسبهم كل شي سويته لهم بس مابين بعينهم قلت انا بسوى عشان اكسب زوجى..الكل يغط على بكلام وما يحترمونى وانا ساكته ويمكن سكوتى هو اللي خلاهم يتمادون على وكله اقول على شان زوجى ..والله العظيم وربي شاهد على كلامى ومو مدح فينى لكنى اجمل منهم بكثيييييييييييييييير لكن يناظرونى انى ولا شي..ام زوجى طيبه لكن مشكلتها تسمع من بنتها و خواتهااللي هم خالات زوجى ..والله انه جات ام زوجى اجلست عندى شهر هى وبنتها ماخليتهم يحركون شي كل شي يجيهم لين عندهم حتى ملابس ام زوجى كنت ادخل الغرفه واخذهم وغسلهم وبخرهم مع العلم انه احنا في منطقه وحده ..والله ما ناديها الا امى المفروض تعاملنى مثل بنتها ..زوجى فى البدايه ما يصدق اللي اقوله له لين شاف بعينه كل شي وسمع والله كانو يحرضون زوجى على لدرجة انه كم مره يضربنى ويتهاوش صارو يتدخلون في حياتى وفي بناتى بعدها مليت طفشت رحت بيت اهلى وقلت خلاص مانى راجعه بس هو جاء وقال واعتذر وووووو ..والحين الحمدالله زوجى معى احسن من اول بكثير قال ماتبين تروحين بكيفك لكن بناتى يزورون اهلهم قلت ماعليه مابي اقطعهم من اهلهم..الحين لى 4 سنوات متزوجه وعندى بنتين الي متى بتظل معاملتهم معى كذا ..الحين ما اروح لهم الا بالمناسبات بس ورمضان كنت كل مابين فتره رسلت لهم فطور مع زوجى وبناتى وكسوة العيد انا اللي اقول حق زوجى يعطى امه ..ولمن امرضت ام زوجى قلت لها تبين اجى لك اطبخ لك اغسل انتى بس امرينى تعرفون ايش قالت لى قالت تطبخين لالالالا مانبي باكل اي شي واذا ابيك تطبخين بقولك والله اسلوبها مره مو زين وهى تقول هالكلام احسها تتكلم معى من غير نفس..ولمن جيت ازورها بالبيت اول ما دخلت عليهم جلسو يطالعون بعض وكشرو وجهم ليه انا ايش سويت لهم..انا لمن تزوجت قلت الله بيرزقنى باهل و ام ثانيه ولقيت انه الاهل مافي مثلهم ومستحيل اهل الزوج يكونون مثل الاهل الا من رحم الله..بتقولون اهم شي زوجك انا ما اختلف معاكم لكن انا ساكنه بعيد عن اهلى ودى يكونون لى اهل ..قولو لى ايش الحل ايش اسوى..صرت ما احب اروح لهم بسبب معاملتهم لى ..والله الكلام ملخبط لكن من الضيقه اللي فينى وسمحولى على الاطاله.
عن rayan.ms
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …