عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بالنسبه للإضائه انواع وتعتمد على النوعيه و الغايه من الإضائه
بالنسبه للإضائه الي تحت الحاجب عندك انواع وطبعا انتي تختاري الي يناسبك
عندك النوع المعتاد الي بيكون على شكل الأي شدو بيكون من درجات الذهبي او اللؤلؤي انا افضل نايلون من ماك
وفيه النوع الي بيجي زي البودره هذي تنفع تحت الحواجب وممكن تستخدميها للوجه الجسم او حتى على الشعر ممكن مع الروج او حتى المناكير و افضل نوع هو البجمنت من ماك عنده درجت الفانيلا ممتازه
هذي الصوره توضح قوت الإضائه الخاصه بالبجمنت حق ماك و الشادو الإضائه الخاص بنارس
الي اخف منه عندك الكريمي الي يوضع بالستخدام الأصبع او بفرشة الكونسيلر وطبعا عند ماك درجه تشبه النايلون بس كريمي انا افضل هالنوعيه اذا حابه تستخدمينها الصبح لمكياج خفيف او على قولتك للجامعه وفيه حركه حلوه ممكن تحطين شويه منه على عضمة الخد تعطي نداوه وتنور الوجه
هذي صوره للشدو الكريمي يوجد اكثر من درجه والي تصلح للإضائه لون اسمه لونا luna على ابيض و بيرل pearl على ذهبي
وعندك النوع يكون عملي اكثر الي على شكل قلم عندك اكثر من درجه بماركة بنفت والماركات الثانيه واحس انها اسرع واسهل للحياة العمليه وللجامعه
وعندك النوع يكون سائل نوعا ما ويجي على شكل علبة المناكير من بنفت هذي اضائه حلوه خفيفه ممكن تحت الحاجب او على الوجه زي الكريمي للأسف ما قدرت ادرج الصوره بس هذا الرابط high beam : Benefit Cosmetics
وان شاء الله ما أكون طولت عليك وتستفيدين 😎
