عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا والهم والوحده على طول السنين اخوان
على الحلوة وعلى المرة على صوتي على الحاني
انا جرحي حفظته في دروج السر والكتمان
وفجر داخلي عالم يحاول يقطع لساني
انا اللي كان صدري للخيول الجامحه ميدان
وانا اللي طيبتي كانت شعور للهمس وجداني
انا اللي كنت غافل لين جتني طعنة الشريان
نزفت العمر كله لين ضاعت قوة ايماني
ترى طعنة قريبك لوصلت ياشينها بركان
وانا اللي طاح صدري في يدي وانهزت اغصاني
تغير كل شي عندي وانعدمت الألوان
وصار اللون الاسود من هنا اسمي وعنواني
انا المجرم وانا اللي ما قتلت بداخلي انسان
قتلت الحب والطيبة بعد ما شفت نقصاني
انا الحاكم وانا الظالم وانا عالم من الحرمان
ومن يدخل محيط الحزن يبشر بي ويلقاني
انا اللي خافقي مسجون واحساسي هو السجان
وضاع العمر مني ما قدرت اقبض على الجاني
انا عالم غريب وعالمي ما يسكن النسيان
عجزت انسى جروحي والزمن يسعى لنسياني
كفاية ما كتبته من وهم عمري على الجدران
كتبت آخر قصيدة بالدم فـي صدر حرماني
اتمنى تنال اعجابكم,,
تحيــــاتي,, 😛
