انـجـازي كي اغير حياتي (مشارك في مسابقة حياتي انجاز)

بسم الله الرحمن الرحيم

السلام عليكم ورحمة الله وبركاته

يوم شفت المسابقه جلست ادور وش الانجازات اللي اسويها

ف الحمدلله حسيت انه انجزت اشيا كثيره ما كنت ادري انها انجاز فعلا

من انجازاتي

كنت احب الفوتو بس ما كنت اعرف كوعي من بوعي فيه

وكانت امنية حياتي انه بس اكتب اسمي ع اي صوره

ومازالت الفكره في بالي لين ربي كتب لها النور .. بعد فتره وتلميح لاختي عشان ادخل معهد

ادرس فيه الفوتو … دخلت معهد وكنت فرحانه يا ارض ما عليك قدي بصير مصممه كبيره

بس خاب ظني بقوه …اللي بالمعهد الله يسامحها ما علمتنا زين .. كانت تشرح شرح ناس محترفين

ما كانت تراعي قدراتنا انه حنا مانفهم شي بالفوتو

وكلمت الدوره وانا كلي قهر … كرهتني بالفوتو والله لدرجة انه قلت ما ابي اكمل الدوره والفلوس حلال بلال عليهم 😎

اهم شي ما اروح هناك كرهت الفوتو .. والقهر لا قلنا لها ما فهمنا عيدي تقول طبقو وبتفهمون >> من صجها ذي والا تمزح 😛

شلون نطبق وحنا مانعرف حتى وش قوائم الفوتو

بس عشقي للفوتو كان ابدي متمكن .. صدق اللي تعلمنا كرهت كل البنات المشتركات فيه بس كان في داخلي شي انه لازم اتعلم

فيني قوه خارقه مصممه ومعزمه وملزمه اتعلمه 😀

واجلس احوس بالنت ومن منتدى لمنتدى اجمع دروس .. وظليت فتره مو بسيطه

تعلمت الفوتو القص والدمج .. والاكبر من كذا تعلمت الامج ردي 😆 idea:

الامج ردي كان شي صعب ويخوف بالنسبه لي بس الحمدلله تعديت هالمرحله

واصبحت متمكنه بالفوتو ما راح اقول مبدعه لكن الحمدلله في تطور مستمر

جهازي تعرض لتوسونامي رهيب خلاني افرمته وطارت الصور اللي كانت اول بداياتي بالفوتو

خساره كنت احب اشوفها عشان اضحك ع نفسي 😛

يا حليلي وانا ماعرف اصمم 😉

وكنت اسوي مقارنه بين تصاميمي اول وتصاميمي الحين

عندي حاجات بسيطه بوريكم اياها