انصعقت في عيادات الموج

مرحبا فراشاتي
يسعد مساكم وكل اوقاتكم يارب
بصراحة انا ذكرت في موضوعي السابق حق زيادة الوزن ان عندي مشكلة كبيرة
في التصبغات الجلدية في اليد والاكواع والقدم
المهم وصتني بنت خالي على دكتورة جلدية رائعة اسمها نوال في عيادات الموج
ورحت لهم
لكن للاسف قالولي ان الدكتورة نوال ما تكون موجودة الا في الصباح بس
قلت لهم طيب ابغا اسال عن عروض تكسير الدهون عندكم
وسوولي ملف عندهم وانتظرت
ونادوني ادخل عند دكتورة مسؤولة عن اجهزة الليزرللجلدية والتجميل
سالتني ايش مشكلتك
قلتلها عن مشاكل الجلدية عندي
وعن حب الشباب في وجهي
وعن اني حابة اعمل تكسير دهون في منطقة البطن
والصاعقة
ان مجموع تكلفة علاجي
تساوي اربعة عشر الف ريال
وما خلتني اخرج من عندها الا وانا مسوية تقشير
لليد والاكواع والقدم ب الف وخمسمائة ريال
وقالتلي بطنك يبيلها عشر جلسات بخمسة الاف ريال
والوجه كذا وكذا واربعة جلسات ليزر ليدك واكواعك وقدمك تكلفتها كذا وكذا
المهم كل المجموع اربعة عشر الف زي ما قلت لكم
وكمان قالتلي لو مستعجلة على تكسير الدهون
حتحطلي ابر مساعدة على تسييح الدهون بقيمة اربعة الاف ريال
وكثير ناس يقولولي نصبوا عليكي في التقشير
طيب يا بنات الله يسعكم اللي تعرف مكان اقل في الاسعار من ناحية الجلدية وتكسير الدهون تقولي
الله يجزاها كل خير مقدما
مو معقول بصراحة اسعار نار وانا ليسا يبيلي ورشة عمليات تجميل في حياتي بسبب السمنة
انتظر ردكم غالياتي