عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😥 السلام عليكم ورحمة الله وبركااته
هااااااي لكل من جالسه عويناته تقرا موضووعي وجعل ان شاء الله همه وغمه يفرجه الرحمن الرحيم
المهم
بقول لكم اليوم وش صار لي لانه اشششين يوم في حياتي وانصدمت من ابووووي بعد وارتفع ضغطي
يلا ببدا
اليووم بعد اذان العشاء تطاقيت انا واختي الكبيره وتبون الصرااااحه انا ندمااانه وبقووووووووه لاني مديت يدي عليها وهي بعد ماقصرت الاخت بس اللي قاهرني اني ماحترمتها لان عمري 17 وهي 32
وانا وهي بنفس الغرفه وانا احبها وهي تحبني بس فيها طبع يقهرني ان الغرفه كانها لها وتقعد تتحكم وعاااد انا استحمممممممممملتها كثثثثثثثثثثير وماعصبت الا من بعد مازودتها
هي من كثر ماهي دقيقه بقول لكم مثاال
الملابس ماتنحط فووق الكرسي ,, المعاليق مكانها في الدالوب مو عالارض
صدق انه ترتيب بس مو تقعد تتحكم فيني وعااد انا عاااااااااااندتها اليوم ومديت يدي عليها ولو اختي الثانيه ماكانت موجوده كان راح يكون فيه اعاقات ➡
المهم تطاقينا على شي سخيف واستحي حتى اقوووله بس بقول لكم بدايه الهوشه
رمت شي خاص لي في الحمام تبي تقهرني>>نرفزتني
رحت انا اخذت علبه وصقتها فيها مع العلم هذي اوول مرره في عمري امد يدي على احد من خوااتي
اكمل..بعد ماصقعتها بالعلبه قامت هي من السرير وتهاوشنا وتلفظت عليها بالفاظ المفرووض ماأقولها مو علشاني بحترمها بس علشان ربي ماايحااسبني عليها والله اني ندماانه وبقووووووووووه
المهم جت اختي الثانيه وفككتنا
رااحت اختي اللي تهاوشت معها لابوووووي طبعا تشتكي له
وانا بعد ماتهاوشنا نزلت تحت عند التلفزيوون
وماكنت ادري انها رايحه لابوي تشتكيني
انا كنت تحت ومدري وش اللي خلاني ارقى الا واسمعها جالسه تشيش ابووي علي في غرفتنا وجلست تقوول هي اللي بدت يبه وهي اللي ماحترمتني وهي وهي وهي
المهم مغصني بطني لاني عارفه انها فهمت ابوي اني انا اللي باديه
المهم اسمع ابووي يقول والحين هي وينها يقصدني قالت مدري يمكن نزلت طبعا صوتها فيها الصيحه علشان تكمل واروح فيها
وعاد يوم ابوي طلع سويت نفسي توني راقيه شافني ابوي وقال لي تعااالي صوته معصب
ودخلني الغرفه وقاام فيني تهزئ انتي ليه ماتحترمين الكبيره وليه وليه وليه وقام وصقعني صقعه معتبره على وجهي وقسما بالله ماراح انسااااها لانها اول مرره في عمري هذا وانا اخر العنقود ماضربني وانا صغيره يجي يضربني الحين وانا كبيره,,والمشكله كان فاهم اني انا الغلطانه وانا اللي باديه عااد انا من بعد الصقعه قمت ورفعت صووتي وعصبت وقمت اقول له القصه طبعا ابوي فهم السالفه زين والله يعافي اختي الثانيه اللي دافعت معي لانها رحمتني من جد بعد الصقعه >انرحم 😆 🙂
بناات من جد مصدومه اول مرره انضرب خيرر حسيت اني بزر عاد انا ماقصرت اخذت حقي بيدي وبرجلي وبالععلبه
لاني مااسكت وهذا اللي مخفف علي الصدمه;)
طبعا ابووي عصب عليها وهزءهاا مااقصر
بس حتى ولو سبحان الله كل شي يهووون الا مدت اليد سبحان الله اول مرره انجرح كذا من ابووي والله اني كل مااتذكر اقول كيف هنت عليه يضربني انا قعدته اللي مدلعني
ووش جااه اليوووووووووم مع انه اليوم صدمني بس الله يطول في عمره
عااد يوم جا العشا غسلت ويوم دخلت لقيت ابوي والباقين جالسين عاد انا ابووي توقعته انه مازال زعلان مني او معصب على اللي صار
المهم دخلت وجيت بقعد طبعا ابوي كان بعيد عني رااح قالي تعالي امشي اقعدي جنبي وعطاني كاس لبن بس انا في ذيك اللحظه كنت زعلانه وخشمي منفتخ ومحمر ولاودي اكلمه واذا كلمني ارد وانا مالي نفس… والحين ابووي ابيه يقول سامحيني والا شي يجبر عالاقل بخاطري وانا اول مسويه اني الدلوعه اللي ماحد في الدنيا يقدر يضربني لان ابوي يغليني بس انقلبت الايه اليوم
والحين ابي منكم استحلفكم بالله من تحسون انه غلطاان انا والا هي لاتحطون العمر له دخل واذكركم انها هي اللي رمت غرضي بالحمام تكرمون وهي اللي بدت
سووري طولت عليكم بس ابي افضفض مع الفرااشات
والردوود لاتنسون ابي اجابه وحل بلييييز
يلاا استودعني واستودع امي وابوي وخوااتي واستودعكم بالله الذي لاتضيع ودائعه آآآآآميــــــــــــــن
