عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هااي صباايا 
كيفكم شخباركم انشالله تكونو بخير
ندخل بالموضوع لا احم ولا دستور
انا قررت اشكيلكم حالي بعد ماشفت ان فيه خبيرات وتجاارب وووو…
المشكله الاولى
اببدا من فوق يعني راسي بناات انا امسك مافي شعر اختفى شعري نفسي احط ايدي وماحصل فروت راسي عشاان احكهاا<<< نشيل فروة راسك يعني 😥
بناات انا شعري كان كثير وحلو حتى بنت عمي تقولي وين شعرك الي كان ماشالله طبقه << طبعا على ايام المتوسط كان كثير
بس انا توي صغيره بعدني مادخلت ال20 اجل اذا دخلت ال30 ابصلع
ابي حل لشعري كنت ابي استخدم زيت رجائي بس الفلوس طارت وبصراحه هو غالي شوي ونفسي فيه للحين 😥
طيب نجي للمشكله الثانيه
وجهي تعبت جد جد تعبت من وجهي ذا المخيس وربي محطمني يعني الحبووب تروح وتجي والرؤؤس السودا ذبحتني مو راضيه ترووح مليانه بانفي وخدودي مسوده وجهي ومقرفتني ولا بعد السواد حول العين والشفايف قهرتني من تحت ورديه والشفه الي فوق محطمتني لازم السواد علامة الجوده الظاهر 😐
المشكله الثالثه والاهم
مابي اشوفها ثاني جسمي احس اني من قدام بيضا ومن ورا سمررررررررررررا ظهري يابنات كنت افكر انا الي ملاحظه متروس حبوب واثار وسماار مو طبيعي كنت مره اكلم تلفون وشوي والا عمي يطنز << ابو زوجي وعمي
يقولي ماشالله والله ظهرك ابيض طالعت عيوني بغت تاكله كيف شفت وليش تشوف وربي سكرت والتلفون وطلعت بيتي مضااايقه وخلاص من بعد ماشفت ان رجال لاحظ اجل البناات وش يقولون عني وصاار لي بعد موقف بالمؤخره بناات انا صدق اعرف انها سمرا بس ماتوقعت ان زوجي يوم من الايام يقولي وهو يستهبل تعالي يام .. سودا اهي اهي ❗
والاكواع والركب والمنطقه الحساسه و مو ذاك السواد تقدرون تقولون بنيه يعني لو تفتيح بسيط تطلع جناان
انا كذا معد اتحمل ابي كل واحد يقولي يابيضا او ياحلوه مو شرط بيااض تفتيح على الاقل وانا قلت لكم انا مو سمرا بياضي حلو وسط
المشكله الرابعه الي حطمتني
تحطيم بعد ماولدت بناات انا نحيفه ونحافتي سببتلي هواايل يوم حملت مافي مكاان بجسمي ماتشقق بطني انعدم عداااااااام الحين صاير اسود وخطوط بيضا وسوداوحفرياات الي تبن << شوارع الدمام على غفله ❗
وصلت التشققات الين فخوذي وووومن تحت يعني تحت المؤخره يجي من جوه يعني المنطقه ذي ماتنشاف بس ابو الشباب يشوفها
طبعا كل هذا من النحف بعد هذي المشكله الخامسه ابي اسسسسسسسسسسسسسسسمن زوجي ذبحني يبيني اسمن صدري رااح تقدرون تقولون انفش من بعد الولاده ومؤخره مترهله مدري انا من وين جايه كوكب المريخ ➡
وعلى فكره والد لي 10 شهور وماتغير فيني شي
المشكله السادسه مساعدتكم
ادري طولت بس والله هذا مشاكلي ولازم القا لها حل وانشالله مافي مشكله الا ولها حل
ابي كل شي مجرب مو منقول او يمكن ينفعك بليز افهموني وربي تعبت لاتقولو يمكن وجربي
يعني اتشرف بكل خبيره ومجربه تقولي على حل لاي مشكله من مشاكلي
ادعو لكل وحده حبت تساعدني او رفعت لي موضوعي بدخولها جنة الفردوس وبالرحمه والمغفره وقبول كل دعوه رددتها الى الله..
