عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انا اختكم العمر 31 … قصتي … ياخواتي ماادري من احكي بس والله من ضقيتن في صدري … انا ياخواتي والحمدالله على كل حال جامعيه وجميله وبشهادة الجميع بس الحمدالله هذا نصيبي المهم خواتي اكبر مني متزوجات واصغر مني كمان متزوجات … بالبدايه اخوي اذا تقدم لي واحد فيه عيب بسيط يرفضه المهم على كذا لما خواتي اصغر مني انخطبوا وتزوجوا من اقربانا المهم صار الناس اللي يتقدمون اما ماعندهم وظايف او سمعتهم مش كويسه …. والحين محد يطق الباب وكلت امري لله بس اكتب لكم قصتي ويشهد علي ربي اقاوم دموعي من تجريح من الناس حتى من اهلي بعض المرات يجرحوني من غير حساب لمشاعري .. الحمدالله عندي امي قايمه بخدمتها … واذا حملت وحده من خواتي اقوم فيها وبأولادها .. واذا اجتمعت العايله انا اسوي العشاء لهم بوفيه كل واحد ايش يحب .. حتى التعبان ارعي صحته واخواني اذا زوجاتهم ولدت ودخلت المستشفى اراعي اولادهم في ملابسهم واكلهم واسبحهم …واذا طلعوا من المستشفى وراحوا عند اهلهم … اروح لبيوت اخواني وانظفهم علشان مابيهم يتضايقون من غبرات البيت او الكركبه … صار كل شي بوجهي في بيتنا انا استقبل الضيوف واطبخ وخليت امي ملكه ولله الحمد
بس اجي لنقطه تعبت وانا مسكتها بقلبي انتم ماتعرفوني علشان كذا فضفضت لكم من الحزن اللي بداخلي … بعض المرات اسمع من اخوي او اختي كلمه تجرحني من غير مرعاة لمشاعري … انا بصراحه مرحه قدامهم واذا سمعت كلمه اعديها واذا جاء الليل ورحت انام ابكي من غير صوت ماابي اضيق صدر امي … وابشركم ولله الحمد ماترك الاستغفار و محافظه على صلاة الليل
بس يااخواتي ايش اسوي بالحزن اللي بداخلي مع انه لي صديقات بس كلهم تزوجوا وانشغلوا بحياتهم وانا محب ااقولهم عن حياتي لانهم احصلت منهن مواقف اكدت لي انهم يخافون من العين وهم مايدرون اني ادعيلهم بصلاتي بس الله يسامحم ويعوضني
وبعد ماسمعتم قصتي ابغاكم تنصحوني ايش اسوي واتغلب على الحزن اللي بداخلي ولاتنسوني من دعواتكم ووفقني وياكم لما يحب ويرضى ….
عن ttnetaxzv
شاهد أيضاً
يارب فرج هم كل من تدخل موضوعي ( هموم تتكاف من كل صوب )
السلام عليكم .. هذا اول موضوع احطه في هالقسم .. بس تاكدو اني على طول …