عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته ::
طبعا الفترة اللي فاتت دي كالمتوقع كانت صعبة جداا ..و لسسة فترة الانتخابات الجاية متوقع انها تكون اصعب و الانتخابات و المنافسة حتكون شرسة بحكم ان المجلس ده هو اللي حيحط دستور مصر و يحدد ملامحها الفترة اللي جاية ان شاء الله
ده حتى الاحزاب الاإسلامية فيما بينها حتكون في منافسة شرسة على ما يبدو لي …
المهم … يهمني اعرف انتو تحبوا و ناويين ان شاء الله تدوا صوتكم لمين …
الحرية و العدالة … و هو طبعا حزب الاخوان المسلمين
الوفد …
الوسط ..و هو حزب منشق عن الأخوان المسلمين و يختلف معهم في بعض الأفكار
حزب الغد …و يرأسه أيمن نور
حزب التجمع …رفعت السعيد
حزب المصريين الأحرار … و هو حزب حديث اسسه االمليادير نجيب ساويرس ..
حزب النور … و حزب الأصالة …و حزب الفضيلة ..و تمثل التيار السلفي …
حزب الكرامة و يرأسه حمدين صباحي و هو حزب ناصري التوجه
مع حزب الجبهة الديمقراطي و كثير من الأحزاب الصغيرة …
طبعا في قوائم نازلين فيها الأحزاب … يعني الأخوان و الوفد بدا في توافق فيما بينهم
و التيار السلفي في قائمة ..النور و الأصالة و الفضيلة
و التيار الليبرالي .. المصريين الأحرار مع 6 احزاب اخرى منهم التجمع بعد رفضه التحالف مع الوفد و الاخوان
ده طبعا غير الفلوول اللي جت بوشوش تانية و تحت احزاب تانية او منفردين
المهم الموضوع حيكون منافسة شديدة الشراسة ..و أعتقد حيحدد بشكل كبير بعد اراده الله شكل مصر الفترة اللي جاية …
طب بعد القائمة دي ممكن اعرف حضرتك مع مين في دول
و مش عايزة مصرية تدخل و متقولشي رأيها … لان الانتخابات دي حتحدد دستور مصر ..مش مجرد انتخابات مجلس شعب بس …. و الموضوع ده يهمنا كلنا .. اللي ليه في السياسة و االلي ملوش ….
حضرتك مع مين ؟؟؟؟؟؟؟
و لية ؟؟؟؟؟؟؟؟؟؟؟؟؟
