عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
حبيت اقولكم القصة اللي حصلتي وارجو من كل البنات ياخذوا احتياطهم وينتبهوا
القصة قرات اعلان في الجريده مشغل طالب موظفات استقبال اتصلت وردت علي حرمة وقالت يبغون موظفات الراتب 2500 طبعا فرحت بس قالتلي ارسلي بياناتك ورقم تلفونك الثابت ونبهت على هالنقطة !!!
طبعا انا الغبية ارسلت بياناتي على جوالها ومامر ربع ساعه الا ودقت علي وقالتلي انها وافقت علي وتبي تختبرني طبعا انا واثقة من نفسي وافقت وقامت تسالني اسئلة غريبة ..كيف شكللك ،،بيضاء ،،طويله ،،،حلوه..وكلام كثير من هالنوع طبعا انا شكيت وانهيت المكالمة ..
المهم اليوم الثاني اتصل رجال علي وقال انه من الاتصالات ويبي ابوي لانه في ناس مشتكيني وطبعا علشان يخوفني ويستدرجني اتصل على البيت ..وانا بسرعه اتصلت على اخوي وعطيته الرقم واتصل عليه والحين ناوين يمسكونه في الامارة ..
المغزى من هالقصة انا ننتبه مثل هالحرمة وغيرها كثير اللي يستدرجون البنات بحجة الوظيفة وطبعا لو اعطتني موعد كنت راح اروح واقابلها فاتخيلوا الموقف لو رحت وش بيصير ..
على فكرة الاعلان بجريدة الوسيله انتبهوا يا اخوات
الدنيا مافيها خير
