عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ياناااااااااااااااااااس انا مشكلتي مشكله …. فيني نفس مدري عين مدري قرادة مدري وش السالفه
بس الزبده اني منحوسه
هاذي قصتي بالتفصيل
أنا تزوجت واحد يحبني موووووت .. وهو انسان راقي ومتعلم وشخصيه رائعه وهااااي
وترك بنات عمه وبنات اخواله عشاني اصلا كل بنات قرايبنا يبونه وهو كان يقول ماابي الاهالبنت يعني انا
قلت لكم هو شخصيه راقيه مررررره واعلامي عشان كذا كل قرايبنا يبونه ويتميلحون عنده بس هو اختارني
قبل زواجي يوم اقابل بنات قرايبنا كلهم يقولون لا انتي حظك بتلفين العالم مع فلان هو يحب السفر والدلع.. انتي حاله خاصه حظك شي
وسبحان الله والله ماطلعت حتى للخرج غير كذا صارت حياتنا مكركبه هو 24 ساعه مشغول وانا حايسه ومخربطه يعني مانتقابل الا في السياره وهو يوصلني لبيت اهلي وهو جاي ياخذني بس
وطول ماحنا كذا بعيدين عن بعض امورنا تكون مستقره بس نفكر نغير حياتنا ونكون قريبين من بعض تصير مصيبه سبحان الله
والله العظيم كل مافكرنا انونقرب من بعض ونعدل وضعنا ياانو يصير عليه حادث او امرض انا او يصير شي عند اهلي واضطر اقعد عندهم والا يصير شي لاهله ويضطر يروح لهم
مدري قولولي وش اسوي وربي بموووووت من وضعي هذا ملييييييت
