انا وصديقاتي والزواج

السلام عليكم
بقولكم سالفه قهرتني مرا كنا صديقات بالجامعه المهم واخوي خطب صديقتي ومن بعدها قلبت علي وسوت لي مشاكل وفرقت بيني وبين صاحباتي المهم انا تعرفت على شله ثانيه وارتحت وبرضوا وحده من الشله الاولى جاها المرض من زوجه اخوي وباقي شلتنا الاولى وطلعت من الشله معاااي

المهم تخيلوا تعرفت على بنات بالجامعه المهم وصرنا صديقات الروح بالروح

وان انسانه احب الوصال بشكل ماتتخيلونه وكنت ادق عليهم واجلس بالساعات وارسل لهم واسوي اي شي لهم المهم وحده منهم كانت ماتعرفني الا وقت الجامعه وبرا الجامعه ماتعرفني الا اذا كانت زعلانه او تبي شي المهم وعلى كذا واصلتها المهم انا تخرجت وهم باقي والبنت هذي ملكت ودقيت عليها باركت لها وكنت اواصلها بفتره الملكه رغم انها ماتواصلني الا بمسج كل 6 او خمس شهور او وقت الطقطقه وتراها مع كل البنات كذا المهم ودقت علي صديقتي اللي طلعت من الشله قبل كم يوم تقولي فلانه تزوجت وطلعت تجنن تقصد البنت اللي تعرفت عليها بالجامعه اللي مملكه تخيلوا انا انصدمت قلت متى مو زواجها بالعيد قالت بسم الله عليك لها شهرين حضرنا زواجها انا بكيت مو عشان ماحضرت بس استغربت ليش ماعزمتني حتى لو بمسج مع انها عزمت كل البنات حتى اللي متزوجات وساكنين بجده عزمتهم الا انا وطلبت صديقتي هذي صور عشان تسوي بروجتكر وصديقتي هذي انا وهي بنفس المنطقه

انصدمت ليش ماعزمتني خايفه احسدها ولا وش لان الكل مملك ومتزوج الا انا وانا بصراحه مافكرت بهالطريقه بس حسيت ان هذا هو التفسير الوحيد لانه مستحيل تنساني انا متاكده يابنات مدري يمكن ماتبيني احضر او مدري وش سالفتها المهم وانا قلت بالطقاق ماراح ابكي ع وحده باعتني المهم والحين هي حامل ولاحتى فكرت تخبرني بمسج ودقت ع صديقتي الثانيه وخبرتها

وانا ماكانها تعرفني ابدا المهم والحين زواج صديقتي الثانيه بالصيف وانا محتاره هذيك بتحضر اسلم عليها ولا اطنشها ولا كاني اعرفها لاني محروقه مررا على نفسي كنت افكر اي ماركه اشتري لها هديه عشان زواجها وبالنهايه البنت سحبت علي وماتبيني احضر زوواجها وترى مو هي بعد حتى وحده ثانيه من صديقاتي تزوجت وماعزمتني مدري ليش رغم اني اواصلهم وهم يقولون لي انتي ع نياتك ومدري وش وش اسوي طيب انا طبعي كذا انسانه بشوشه ماحب المصلحه وربي كرهت البنات ونفسي احس اني غبيه مرررا

وترى يابنات حطيت لها ميه عذر عشان ارجع لها بس احس مكشووفه ليش اجرح نفسي

هي لو تبي كانت رسلت مسج او ذكرتني بالخير او سالت عني

المهم والشي الثاني زوجه اخوي رفعت ضغطي دقت علي تقول ابي رقم البنت تقصد اللي تزوجت >>قلت لها ماراح ترد عليك جوالها مقفل قالت عاتي ابيه جيبه لي تخيلوا انا انقهرت منها وش تبي منها لاهي صديقتها ولاتعرفها بس تبي تسالها وين رحتي وكيف شهر العسل واسئله الحريم

وزوجه اخوي تحب هالسوالف فين رحتوا وجيتوا اش سويتوا وهررج كثير

لاني يوم قلت لها جوالها مقفل قالت اكيد انها برا السعوديه >>واساس جاني الخبر انها راحت جده وصديقتي ذي دووم تغير ارقامها وانا اصلا كرهتها ولا عاد ابي اشوف رقمها

المهم جات زوجه سوت سالفه انتي ليش ماتبين تعطيني الرقم وعصبت قلت لها خذيه وكتبته وهذا وقلت لها لاتظنين ا لسوء فيني اساس يابنات صديقتي تغير رقمها والحين مدري وش رقمها اصلا وعاد زوجه اخوي جات بوقت غلط تطلب الرقم واعطيتها الرقم الي كنت اعرفه وهو مقفل

المهم وانا متضايقه مرا الحين زوجه اخوي جاايه منطقتنا واكيد بتسالني عن صديقتي وش اقولها فلانه ماعزمتني عشان تضحك علي ولا تروح تعلم شلتي الاولى عشان يتمسخرون علي احس وجهي منلطع

المشكله يابنات انا منقهره من البنات الوحده لاتزوجت ماتبي تعرف احد وش ذا ياربي حب الزوج شي والصداقه شي لو تزوجت ان شاء الله ماراح اسوي هالحركات احس كذا كني ماتحسبت على الله اتزوج

والشي الثاني وش تسوون لو انتم مكاني بتسلمون على فلانه اذا شفتها بالزواج ولاتسفهونها افكاري مخربطه شووي
ومحتاجه اخوات يفهموني