عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ان شالله الجميع بصحه وعافية ؟؟
المهم انا موضوعي ومافيه اني بالمراااا متعذبة بالشقة الجديدة اللي سكنا فيها ولنا تقريبأ 6شهور
خايفة بس ماني قادرة اقووول لاحد انا عايشة مع خالتي زوجة ابوي بس هي اللي مربيتني واناديها امي الله يخليها لي واخوي من ابوي ولدها لخالتي هذي اكبر مني ب5سنوات
من لما سكنا كنت مرتاحة بس عندنا جيراننا عندهم بنت وحدة و 8 اولاد واغلبهم صغااار و2 كبااار يشتغلوا
المهم واحد من الكبار داااايم مسنتر عند باب العمارة ويسويلي افلام رعب اول مرة صرخ علي يحسبني اختو لان العمارة مافيها الاحنا وهم وشهقت وبكيت وطلعت لشقتنا وماااقلت لاحد لانو موضوع تافهه بعدين لاحظت انو على طووول واقف وبالذات لمن صااار يعرف موعد دوامي والا القاه جالس بسيارتو فكرت اخبر امي وقلت لا الموضوع مو مستاهل وهو اكيد مراح يسويلي شي واستمرينا على هالموال كل ماجي القاه برى وطنشت وبدات خالتي تختلط فيهم وصاروا يسألوا عني كثير وطبعا انا مشغولة بالجامعه ماعندي وقت وانتو تعرفوا كيف نظام الساعات احيانا ارجع عالمغرب والا بعدو لكن مرة جونا للبيت الام وبنتها وسولفت معهم وكانوا حبوبين بعدين قالت لي االبنت تبغى رقمي واعطيتو لها وكنا نتواصل مسجات وحبيتها البنت وصارت تجينا وتقضي وقت عندنا لمن اكون فيه وصاحية واحيانا اهلي يسافروا لاهلنا كل اسبوعين مرة وكنت اجلس لوحدي وكانوا يدقوا علي ويجلسوا يجيبوا ليه اكل وانا ما اطلبوا الله يجزاهم خير بس لاااحظت ان محد يجيب هالعشاء الاهالولد وكمان طنشت وسكتت ببالرغم انو فيه غيرووو كثااار واصغر منو كان ينزلوا ويمششي بس ايش بقووول صعب بقولهم لاتجيبوا واحيانا اتفاجئ انو هو يجيب بدون علم اهلو واضطر اسكت وما اتكلم .. بعدين اتغيرت علاقت البنت فيني احسها تكرهني رغم انو عمرها قريب من عمري وافكارنا متقاربة بس قلت يمكن ظرووف خاصة فيها وبالمرااا دقيت عليها وفاتحتها بالموضوع صرخت علي وقالت ماتستحي انتي واتكلمت علي بكلام جارح واني قليلة ادب طبعا صكيت الجوال ونزلت لها تحت بفهم السالفة منها لما دخلت عليها طرتني انفجعت معقولة يصير كذا ايش سويت انا لها وامها كانت نظراتها مو مثل قبل سكتت ومشيت وانا مفجوعه وخبرت خالتي بالسالفة وراحت وجات خالتي وتقول عادي علاقتهم فيك بالعكس يسالوا عنك قلت فرصة بكلمها ودقيت وارسلت لي رسالة (احنا احترمنا امك والا انتي قليلة ادب واحسلك تقنعي اهلك تطلعوا من العمارة) طيب ابفهم ايش سويت انا ؟؟طبعا سأأأت علاقتي فيهم صرت ماعرفهم بس امي وطنشت ومر شهر بعد الحادثة هذي والولد على حالتو قدام العمارة ومرة وانا راجعة للقيت قدام الباب ظرف ؟؟ هو حاطو وطالب مني ماقول لاهلي ننقل استغربت كيف اكيد الهرجة كبيرة واكيد عارف انو اختو ارسلت لي مسج كذا .. ورحت من بكرة وانا راجعه من الجامعه ونزلت له ظرف قلت اذا تعرف انا ايش مسوية قولي؟؟ اختك ايش سويت لها انا ؟؟
وتركت الظرف عند باب العمارة وهو واقف ودخلت بسرعة وشفتو من الشباك يقرأ الرسالة وكتب على الورقة من ورى ورجع دخل وكنت انتظر يطلع يعطيني الورقة بس ماطلع ومن بكرة نزلي الورقة قدام الباب بعد ماجيت من الجامعه ولقيتو كاتب ((( والله مافيكم شي انا السبب )))
وطنشت وهذي الرسالة كانت يوم الثلاثاء وانا مادومت الربوع قولوا لي وش اسوي ؟؟ ابي اعرف اش صاير وليه كرهوني ؟؟
طيب معاملتهم لامي حلوة واخلاق اولادهم حلوة معنا بالذات انو اخوي دااايم خارج البيت بسبب عملو
ارد اقووول ليه السبب ؟؟ وايش هو؟؟ والا اترك الامور مثل ماهي؟؟ وانا خلاص فكرت انقل لاني كرهت هالعمارة؟؟ من الناس اللي فيها
محتااارة ايش عذري عند اهلي للنقل بالرغم انهم مرتاحين
