عالم البنات النسائي كل ما يخص المرأة العربية من ازياء وجمال والحياة الزوجية والمطبخ
(بسم الله الرحمن الرحيم )
السلام عليكم ورحمة الله وبركاته ,,,
كيف الحال عساكم بخير ,,, بصراحه انا قريت فكرة الموضوع هذا بمنتدى ثاني
وحبيت افتح هالملف وعشان احنا كمان نستفيد ,,,
كروشات احنا هنا بنجمع كل المعلومات والطرق بالنسبه لتجهيز البيبي والتجهيز بالنفاس ,,,
اللي صاير فيه تبذير وبذخ بشكل مبالغ فيه وبصراحه ما احد رايح فيها الا هالرجال المسكين اللي يكرف ليل نهار عشان هالراتب ,,,
واحنا نضيعه عشان فلانه سوت احسن مني وبسوي احلى من فلانه
وبصراحه كلها حركات مالها داعي
يعني لو الوحده تسوي شي بسيط وحلو مو غلط
حتى اللي وضعها المادي يسمح لها تسوي وتبدع بالتقديمات والحركات والتوزيعات
اظن انه بيكون من باب الإسراف ,,,
واحنا هنا بنبدأ خطوة خطوة مدعمه بالصور والمحلات وبجهاز اللي انتهوا من التجهيز عشان نستفيد منهم واذا كانو غلطوا بشي احنا نتفادى بإذن الله
وربي يرزقنا ويتمم لنا على خير ويبلغنا بشوفة اطفالنا سليمين معافين تامين الخلقه والخلق اللهم آمين ,,,
بس عندي نصيحه اخيرة ,,,
كل وحده اول ما تبدأ تجهيز وكل ما تنزل السوق بغرض التجهيز تتصدق بمبلغ لو بسيط بنية صلاح ذريتها وتسهيل ولادتها
والله يكتب لنا الأجر
اللهم آمين,,,
