عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف حالكم
اسمعو مشكلتي تراها قويه وابدا لاتشوفونها سهله
انا بنت >> ولازم انخطب >> وضروري اهلي يكون عندهم خبر
>>> لكن الي رافع ضغطي ان العالم كله يدري
انا بنت امي مطلقه وعايشه حياتها>> وابوي مطلق وعايش حياته
واخواتي متزوجات >>> واخواني متزوجين
يعني ماشاء الله تبارك الرحمن كل ذولا الي فوق من مجرد خطبه يعرفون الموضوع
وقبل مانتعرف على الناس وقبل مانشوفهم الكل لازم يكون عنده خبر
فشوفي عاد انتي كم وحده تكرهني منهم ..
وانا خطابي غير وماشاء الله كلهم اطباء ضباط ناس عليهم قيمه وشهادات
فتخيلو كم زواجه تفركشت والله قبل ماتتم
يعني الناس يتصلو ويقولون بنتقدم لكم فيقولون اهلي ياهلا وغلا >> والعيله كلها تعرف وينتشر الخبر
بعدين يتصلون (من قبل مايشرفونا ويزورونا ) ويقولون ماصار نصيب >>> صارت هالحركه 6 مرات
>>> وضع غير طبيعي ابدا من عيون الناس وحسدهم
صراحه صرت ابكي اذا انخطبت لاني ادري انها بتتفركش
وادري ان الكل بيدري جماعتي وخالاتي وعماتي واعمامي واخوالي
وارحامنا وانسابنا كلهم بيعرفون
صارت فضييحتي بجلاجل
انصحوني وش اسوي وكيف اتعامل مع هالاهل
كيف افتح الموضوع معهم واقول لو سمحت يابابا زوجتك لاتدري بموضوع خطاباتي ولا اعمامي ولا عماتي
لو سمحتو ياخواني زوجاتكم لايدرون
لو سمحتو يا اخواتي ازواجكم لايدرون
لو سمحتي يا امي زوجك واخوالي وخالاتي لايدرون
كيف كيف كيف اقول هالكلام ؟؟؟؟؟؟؟؟؟؟
احترت وصار مخي معطل ودنيتي كلها احتارت
