عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لأول مره اقوم بتدريس المرحلة المتوسطة … وبما اني بنووووووته وشكلي صغيره … ما قدرت اشد بالمره عليهم …
يعني كنت احب اسولف واضحك وياهم …. بس إذا تجاوزوا الحدود معايه اصير شيطاااااااااان
وهم كذا مره يقولوا ابلا لاتعصبي علينا …. وإذا كنت زعلانه يهتموا لزعلي …
بس بصراحه …. احيانا اشعر ان المفروض ما اكون كذا …. يعني ما اضحك معاهم نهائيا …
لأني بعدين عرفت انهم كانوا يكذبوا عليا في شغلات كثيره ….
المهم … انا ادرسهم هذه السنه بس … آخر الترم جوني طالبتين يبغوا رقمي …. أنا كنت رافضه اعطي جوالي الخاص احد …. بس هم كانوا ناويين يجيبوه من الماء او الارض …
فطلعت شريحه بدون اسم … واعطيته وحده بس …. الثانية كانت غايبه …. وتعرفوا كان آخر يوم …
وبنت ثالثه فجأه طلبتني واعطيتها ….
طبعاً البنت الاولى نادرا ما تكلم او ترسل …….. اما البنت الثالثة فتراسلني وتكلمني بس مو دايم …
هذي البنت قمه في الادب والاخلاق …. وانا كنت جدا احترمها …. رغم صغر سنها إلا ماشاء الله عليها احس انها احسن مني في بعض الاشياء …. وكمان عقليتها كبيرة … لدرجة اني انسى نفسي في السوالف معاها كأني اكلم وحده من صاحباتي ….
وتستمر مكالمتنا احيانا ساعه واكثر …
الحين …. أنا مره متضايقه ابغى اقطع اتصالاتي فيها …. لأني احس ما كأني معلمه ….
رغم ان الكلام كله عادي … والبنت كويسه لدرجة الموسيقى والوسائط اللي مو حلوه ..
مستحيل ترسلها وتحترمني جدا ..
اش رايكم ؟؟؟؟؟ اش اسوي ؟؟؟
ادري كلامي ملخبط …….بس مو مشكله ………. اهم شي تنصحوني …. انا صح أو خطأ ؟؟
