عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم حبيباتي وكيف ايامكم الله يجعلها كلها خير في خير 
سالفتي زي ما قلت في الموضوع انا مدري متى اتوب من اللقافه الزايده امس كان زوجي معزوم على العشاء عند واحد من اصدقائه المهم الرجال بدا يستعد للعزيمه 😆 idea: دخل دورة المياه الله يكرمكم يتروش وترك الجوال في الغرفه عندي 😆 🙄 اكيد رح يتركه اجل يدخل به معاه وهنا المهم وانا جالسه في الغرفه والرجال منهمك يتروش الا يدق جواله طبعا زوجي من المحرمات عنده اني اقرب من جواله هههه لانه عارف اني ملقوفه ورح ازعجه على كل حاجه واسأله فيها ولى هو مشاء الله عليه مو راعي حركات ابد المهم وهذا اهم شي في السالفه دق جواله
شف الاسم ابو ..بعدين اسم القبيله وهذا اسم ابوي قلت يابنت اتركيه الحين يطلع ويرد سكت بعدين دق مره ثانيه قلت لا الى هنا كفايه ابوي مصر عليه اكيد فيه حاجه ردي يابنت هذا عقوق تشوفي ابوك يدق وتطنشيه 
توكلت على الله ورديت وهنا الطامه الكبرى
وقعت افكر وش اسوي وش اسوي ولازم اقوله قبل يروح لان اكيد الرجال بيقوله فلا بد ان تكون عنده فكره وهو خلقه عصبي جدا وحار وشديد في هذه الاثناء طلع وبدا يلبس وانا قلت له حبيبي فيه موضوع مهم ابي اقوله لك قبل تطلع قال بعدين اذا جيت قلت لا الحين الموضوع مهم واناقال طيب كمل لبسه وجلس قال خير قلت موضوع بسيط قولي قلت بسألك سؤال ابوي ايش اسمه ابو ايش طالعني 
ومعطلتني علشان كذا قلت لا لازم تقول لي قال طيب ابو …وقبيلته قال … طيب اجمعها مع بعض قام وقال بعدين مع هذه السخافه ادخلي في الموضوع وبدا يعصب قلت اوعدني ماتزعل ولا تعصب قال طيب قلت اللي صار… اعذرني انا مادري حسبته ابوي قام
