عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مع ان مفيش اى كلام هيقدر يعبر عنه ..
تعليق لما ادخل اول يوم نت بعد احداث امبارح والاقى العباره دى على اهم موقع
لمحافظه بورسعيد
ومفيش كلآم كتير هيتقال لانه خلص وقت الكلام مع امثالكم من حثالة البشـر : )
وقت الماتش دا ؟؟ ليه جوزى يجن من اللى حصل ويبقى عايز يجرى يتبرع بالدم
وكل الناس مخنوقه ومضايقه من اللى حصل لو انتى حصل كده فبلدك من شويه بلطجيه
او من تخطيط عايز يفكك البلد اكتر واكتر وتحسى انك فوطنك مهانه وصغيره
انا مش حزينه انا مقهوررررررره على حال بلدنا
ومش شايفه اصلا الحروف اللى بكتبها من دموعى
فععععلا لكى الله يامصر فالخراب والدمار والقتل اللى بيجرى وبينتشر
زى المرض فاارضك
حسبى الله ونعم الوكيل فكل ظالم
وربنا يبرد قلوب كل الامهات اللى اولادهم راحوا
ويرحم الناس اللى ماتت واتصابت
بورسعيديه فالبدايه 
ومصريه فالنهايه
البورسعيديه اللي حاربوا 3 دول في العدوان الثلاثي في حين ان محافظات مصر كانت بتتفرج عليهم وبتشيد بشجاعتهم , مش هما اللي قتلوا اخواتهم المصريين
البورسعيديه هما اللي نزلوا من بيوتهم ووقفوا طوابير اكثر من 1500 شخص عشان يتبرعوا بالدم للمصابين اخواتهم , البورسعيديه هما اللي دمهم بيجري ف دم المصابين دلوقتي
البورسعيديه هما النساء والبنات والأطفال اللي نزلوا قبل الشباب والرجال في المظاهرات , لابسين اسود وصوتهم اتنبح , رافضين المذبحه اللي حصلت
البورسعيديه حاولوا يدافعوا عن الناس اللي بتتضرب , كان الرد عليهم ” مالكوش دعوه دي أوامر واحنا بننفذها “
البورسعيديه هما اللي دلوقتي قافلين محلاتهم , ولابسين الأسود , و الدموع مش بتفارق عيونهم , والحزن مش بيفارق قلوبهم
البورسعيديه اللي مسكوا النهارده بلطجي ورفضوا تسليمه للشرطه وطالبوا تسليمه لأكرم الشاعر ولجنة تقصي الحقائق حتى تظهر الحقائق
االبورسعيديه اللي ( الحسيني ابو قمر ) – فلووول وحزب وطني وصديق مقرب لجمال مبارك – أنتهز الفرصه وأجر بلطجيته اللي اندسوا ف وسط البورسعيديه
البورسعيديه الشرفاء نزلوا كسروا الكافتيريا بتاعت احد فلول الحزب المتورطين في احداث مجزرة الاستاد
البورسعيديه مات منهم 21 شهيد من ضمن الـ 70
أرجووووووكم إياكم والظلم فأنه ظلمات يوم القيامه
أرجووووووكم لا تتركوا الفرصه لفلول الحزب الوطني ولا تكونوا مساعديهم في التفرقه بين المصريين
أرجووووووكم لا تنساقوا خلف الشائعات , لا تتبعوا الاعلام المضلل , افتحوا ولو لمره واحدة قناة القنال وشاهدواا حالة الشارع البورسعيدي الآن
