عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أسمعو قصتي أنا يابنات تزوجت ولد عمتي وعمتي عاملتني معامله سيئه وظلمتني في أشياء كثيره بس كنت أبكي وأشتكي على امي لين الله أخذ أمانتها وماتت والله العظيم اني بكيت وماني مصدقه انها ماتت وحزنت كثير وكل ليله أتذكرها حتى أهلي أستغربو مني لانها كانت عمتي تكرهني لاكن الحمدلله قبل ماتموت بيومين رحت عندها المستشفى وسولفت معها لأني ماأشيل في قلبي أي شي لاكن كنت ابكي وانقهر واليوم الثاني انسى وأقول عادي وأتسامح منها لاكن هذي ماهي قصتي
الحين بنتها متزوجه أخويه وأخويه صار يكرهني ماادري ليش واذا رحت وانقطعت عنه يقول سلمولي على أختي والله اني فقدتها واذا جات حرمته عنده يسكت ويغير السالفه عشان ماتخاصمه زوجته المهم انا صرت ماأحتك فيها عندها أخت في ثالث متوسط مرررره حبيتهامرررره مؤدبه وطيبه وزي العسل معايه وهي ساكنه مع أبوها لوحدها وأختها بعيده عنها وانا بالنسبه لها قريبه أساعدها في شغل البيت أشتري لها هدايا أي شي ناقصها أجيبها نحضر المناسبات مع بعض أمشط شعرها أسوي لها تسريحات أشتري لها أفخم لملابس واذا صار مجلس أمهات في المدرسه أجي المدرسه عشان ما أحسسها بالنقص صرت انا وياهل توأمين أعطيها أسراري وتعطيني أسرارها أي مشكله تمر عليها أحلها لها من غير ماأحد يدري صارت تفهمني وأفهمها
تعرف متى أكون زعلانه بس تشوف عيوني تعرف اللي بقلبي وانا مثلها صار كل اللي في قلبي عندها
بعدين صارت تقولي انتي قبل ماتتزوجي أخويه ماقد يوم قد حبيتي أحد وانا عشاني أثق فيها قلتلها اني كنت احب حب شريف بيني وبين ولد عمي لاكن الله ماكتبلي نصيب معاها وكنت أحكيلها كل التفاصيل اللي صارت معايه وبدت هي تحكيلي وتقولي انا عندي سر وهو اني أحب أخوك مرره فوق ماتتصوري ودايم أحلم فيه وهو فارس أحلامي والسر هذا ما قد قلته لأي أحد الى انتي بديت أحس فيها
يعني صرت ماأستغني عنها واذاكنت باأزورها في البيت تستقبلني بالأحضان ونضم لبعض واذا كنت بأسافر عنها كانت تقعد تبكي وانا أبكي عليها وزوجي مبسوط لأن لقيت صديقه وأخت وحبيبه ما أقدر استغني عنها وقبل ماأسافر قلتلها الأسرار اللي بيننا لاتقوليها لأحد حتى أختك الكبيره قالتلي تمام ولا تشيلين هم سافرت عند أهلي وقعدت عندهم شهر وبعدين يوم رجعت بيتي ورحت زرتهم لقيت أختها الكبيره عندها سلمت عليهم وسولفت معهم وبعدين قامت أختها الكبيره نادت على زوجي من بعيد وراح زوجي عندها ودخلو الغرفه وسكرو الباب ماحبيت اتدخل بينهم يوم قعدو ساعه كامله طفشت ودخلت الغرفه عندهم سكتو وتفاجئو من دخولي وبعدين قالتله والله عندي كلام كثير بس نسيته ان شاء الله أقوله لك بعدين
انا قلتلهم ايش فيكم جالسين هنا هيا نطلع برى الجو مررره حلو
بعدين طلعنا برى وسولفنا لين صلاة العشا ويوم لبست عبايتي عشان بركب السياره ونروح البيت الى وبنت عمتي الكبيره تسلم عليه وحسيت انها أول مرره تسويها معايه وهي اصلا ماتدانيني ولا تحبني وانا على نياتي سلمت عليها وأبتسمت لها وركبت السياره مع زوجي ولما مشينا في الطريق الا زوجي ساكت مايسولف معايه ولا يضحك ويوم قلتله ايش اللي غيرك عليه قام قاللي يعني انتي ماتدرين قلتله لاوالله قولي ايش عندك قام قالي كل الكلام اللي قلته لبنت عمتي قسمآبالله اني بكيت وجاني ألم في راسي وماني مصدقه الكلام كله اللي وثقت فيها وأعطيتها كل أسراري لأن في كلام كثير حكيته لها وانا ما أقدلر أطول في القصه لأنها فعلا صارت نسخه مني في كل شي كل اللي في قلبي صار عندها وأشياء ماكنت أحكيها لأحد قلتها لها صار الكلام كله عند زوجي وأخذ عني فكره سيئه لأنها طلبت مني اني أوصل رساله منها لأخويه وانا فعلا كنت غبيه وارسلتها لأني نفسي انها تتزوج اللي تحبه وبعدين قالت لأختها وأختها الكبيره قالت لزوجي وزوجي قال أنا ماأثق فيك على أولادي والله الكلمه هذي جات زي الصاعقه وكأنه سفعني على خدي وبعدين تنومت في المستشفى وأعطوني أبره مهدئه وأوكسجين وبعدين حس فيه وأعتذرلي وقمت بكيت قلت لها خلاااص ما عاد عندي صديقه افضفض عليها قالي اي شي تيغين تفضفضين فيه قوليلي انا وان شاء الله ماراح أقصر معاك وانا والله قلتله ترى أختك أعطتني أسرارها كلها وامكن انت لوتدري عنها كان خاصمتها وعصبت عليها حاول فيني اني أقول اللي عندي بس ماقدرت قلت دام هيه خانتني والله ماأخونها لأن في اشيا كثيره ماتنقال وما أحب أذكرها لأي أحد الحين أختها سافرت من عندها وبعدينقمت زرتها بعد فتره حاولت اني ماأبين لها أي شي وهي حست فيني وسألتني ايش فيك متغيره عليه قلتلها مافي أي شي شكلها حلفت أختها انها ماتقول لأحد ماتدري ان الأخبار صارت عندي الحين ابغاكم بعد ماتخلصو من قصتي انكم تفكرو كيف تثقين في الصديقه انا لاأنكر بأنني انا السبب فأنا الوم نفسي على سؤ أختياري لها الحين قولولي اتكلم معاها وأقولها لييييييش خنتيني ولا أخلي الأمور مثل ماهي ماأقول غير حسبي الله ونعم الوكيل في كل بنت في طبعهم الخيانه
عن
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …