انا شكاكه جدا …انصحونى

سلام عليكم ياحلوات كيف حالكم؟؟؟
يااااارب تكونوا كلكم بخير ومبسوطين
انا عندى مشكله من زمان معايه لكن الوقت الحالى زادت جدا
واصبحت تهدد حياتى وعلاقاتى
انا شكاكه
شكاكه جدا جدا جدا واغلب شكى يكون فى زوجى وهذه الايام اصبحت احلم
دائما احلام يكون بيخوننى فيها
ودائما خايفه يبطل يحبنى او يتركنى او يمل منى
وطبعا اثر على علاقتى بيه ورغم انى صارحته بشكوكى اكتر من مره
ودائما يسمعنى ويتفهم موقفى ويطمنى وانا مش قادره اطلع الشيطان والوسوسه من راسي
وهو مافى اصلا اى سبب يخلينى اشك فيه الا انى مهما قال دائما يجينى الشيطان
وقولى لأ هو كذاب
لو لقيت موبايله مشغول على طول يخطر بذهنى او يكلم وحده
اذا كلم زميله فى العمل او الدراسه ابدأ افكر او يحبها او انه معجب بيها او مليون شك يجي فى بالى
وكان له زميله فى الدراسه وكانت تتصل بيه لدواعى الدراسه وكنت اتضايق منها جدا
والان بطلت تتصل وهو قالى انه بطل يكلمها لان دراستهم انتهت
وانا الشيطان قالى لأ اكيد هى بطلت تكلمه لانه طلب منها شيئ مش كويس
او انه قالها انا معجب بيكى وهى رفضت
والشك هيقتلنى وهيدمر حياتى وانا خايفه من نفسي جدا وكل ما احاول ابعد الشيطان من بالى ماقدر
وجربت اتكلم مع دكتور نفسي لقيت كل الحلول عندهم ادويه حتى مايسمع او يتكلم
انا قلت له انا شكاكه على طول قالى خدى العلاج الفلانى والعلاجات دى مضره وخفت استعملها ,,,
ياريت تنصحونى وتساعدونى انا لسه صغيره ومحتاجه رأيكم ونصيحتكم كيف ابعد عنى الشيطان
وجزاكم الله خير اخواتى