عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بصوا يافراشات انا هاحكليكم عن حاجة مضيقاني بس ياريت ماحدش يستتفه اللي انا هاقولة
طالبة منكم تعطوني رايكم
بصوا انا مضايقة من فضول اخت زوجي
انا وزوجي طبعنا هادي يعني اختلاطنا بالناس مش جامد قوي ودايما في حالنا مابندخلش في حياة حد ولا بنحب حد يدخل في حياتنا
انا ليا اخت من اخوات زوجي فضولية جدا
اخت زوجي علاقتنا بيها عادية يعني احنا بنسال عليها من وقت للتاني وبنزور بعض من وقت للتاني وعلاقتنا مش متعمقة قوي
يعني علاقتنا ببعض من باب صلة الارحام ومفيش تداخل خالص مابينا
بس هيا فضولة جدا يعني هيا لما تشوفنا او تيجي تزورنا بتقعد تسالنا عن كل حاجة مابتسبش حاجة الا لما تسال عليها
تشوف اي حاجة عندنا لازم تعلق عليها وتسالنا جابينها منين اي حاجة تسال عليها
الحلل السجاجيد الستاير المراتب
تسالنا انتو بتخرجوا ولا لاة وبتروحوا فين
لما كنت حامل كل شوية كانت تتصل بزوجي تساله على ميعاد الولادة بالضبط
ده انا لما تزوجت بعد زواجنا بيومين سافرنا علشان نتفسح كانت كل شوية تتصل بينا واحنا في السكة تشونا وصلنا ولا لسة ماتقولوش ان هيا بتحب تتطمن علينا لاة هيا كدة اللي طبعها تحب تعرف كل حاجة وكل حاجة في شقتنا تسالنا جبتوها منين وازاي
ده حتى مسحوق الغسيل اللي احنا بنستخدمه سالت عليه
انا دايما في حالي وعمري ما سالتها على حاجة ابدا
والحاجة الغريبة انها لما تيجي تتصل بينا تطلب زوجي وماتفكرش تطلبني انا او تكلمني
دي حتى لما جت عزمتنا قبل كدة تكلم زوجي علشان تعزمنا احنا الاتنين وماتفكرش تكلمني انا
ماتقولوش ان دي مشكلة تافهة
لاني بجد مضايقة من فضولها ومش عارفة اتصرف معاها ازاي من غير مااحرجها واخليها تبطل فضول
على فكرة هيا متزوجة وام يعني مابتعملش كدة لانها فاضية
اتمنى تدوني ارائكم يافراشات
