انا خجووووووووله وشلون بعيش مع الناس الله يوفق الي بيرفع معنوياتي

انا ماسدحت مشكلتي هنا الا اني عارفه اني بلقى احد يساعدن ان شاء الله

بنات والله اني بحاله نفسيه صعبه مررررررررررررررررره

انا اعاني من الخجل على قولتهم الرهاب الاجتماعي

استحي من الناس وبس متعوده على اهلي فقط

حتى لمن اروح الكليه ماعندي صديقات دايما لحالي واذا تعرفت على بنت وسولفت معي احس اني ماعجبتها ولاني جريئه يعني هاديه ولاعاد ترجع عندي ابد ولا كأني عرفتها

وبالمحاظره ساكته ولا اشارك ابد واستحي اكلم الاستاذه واقول لها لو سمحتي بطلع الحمام (اكرمكم الله )او بطلع مثلا اخذ غرض

الحين كيف بالله بطبق بالكليه ادرس البنات وربي افكر افصل من الكليه ولا اني اشرح للبنات قدام الاستاذه والبنات الي معي

وحتى لمن اروح عزايم واعراس ومناسبات احس دايما لحالي

تخيلو امس كنت باستراحه مع جماعتنا كلهم وربي البنات مجتمعات لحالهم وضحك ووناسه وانا قاعده مع الحريم الكبار قسم صايره كني عجيز خخخخخخخخخخ

واحس اني خلاص ماقدرت اتحمل كل شوي اشوف الساعه متى يسرع الوقت عشان ارجع لبيتنا واحس الكل يطالعني ليه هذي ماتختلط مع البنات وامي تقول قومي روحي عند البنات واقول لا استحي وكيف اقعد معهم وانا ماسولف كني خاشه عرض خخخخخخخ

وربي صرت اكره اروح عزايم ومناسبات خلاص حلفت على نفسي الا لمن يتغير اسلوبي

ولمن ارجع البيت اقعد ابكي ابكي الين ارتاااااااااااااااااااح ليه ماني مثل البنات توني صغيره بعمر الزهور ابي اضحك واسولف والعب وافلها العمر قدامي ليه من الحين اكبر نفسي

وانا ماعندي اخوات انا فقط بين اولاد

والمشكله لمن اسافر عند اهل امي كلهم بنات معي بنات خالاتي واخوالي واصير انا وحده غيررررررر اتجرئ ولاعاد استحي ابد

والله اني حلوه ومملوحه بس ماعرف اتكشخ ولا اعرف قصات وصبغات وحركات لبسي وموضتي قديمه تنوره وبلوزه طويله وشعري منسدل اسود

البنات متكشخات وعلى الموضه والشعر مقصقص

آآآآآآآه بس مدري كيف بتزوج وانا كذا لاعرف اشتري من السوق ولا اتكشخ ولا عندي اخوات اكبر مني ويعلموني

الله يصبرني بس

الله يسعدكم ويوفقكم ويحقق لكم امانيكم ساعدوني طلعوني من المشكله الي انا فيها ولكم دعوه بظهر الغيب

ولا تقولون ادفعي الحجل وراك تكلمي ماعليك حاولت وحاولت لاكن مافيه فايده

ودي اروح مستشفىا نفسي بس صعبه وش اقول لاهلي عن جد صعبه

وفيه علاج يصرف للي مثل حالتي ولا لا ؟؟