انا حيرانه اعمل ايه ؟؟عايزة رايكم بسرعة

انا عندي 13 سنة رايحة 2 اعدادي انا محجبه من 4 ابتدائي ومحدش من اهلي قالوا لي اتحجبي ولا حد ضغط عليا بالعكس انا لما لبست الحجاب ماما اتحيلت عليا اني اخلعه بس اللي خلاني اني اتحجب هو مدرس كان عندنا بالمدرسة كان بيقول لنا انه حرام لحد دلوقتي متلبسوش الحجاب واحنا كنا عيال سمعنا كلامه انا وكتير من اصحابي واتحجبنا من رمضان واحنا في 4 ابتدائي ولما نقول له انا ماما بتقول لي متلبسهوش كان بيقول لنا ان مش ماما اللي هتتحاسب انتي اللي هتتحاسبي ومكنتش اعرف انه في سن معين بتحاسب فيه لما ابلغ ولبست الحجاب انا دلوقتي نفسي اخلع الحجاب ومحتاره حاسة اني معشتش سني واناصغيره لما بشوف بنات بشعرهم ببقي نفسي اخلع الحجاب وماما موافقة بس انا نظرة الناس هتبقي عاملة ازاي وهل ده هيبقي حرام ام لا وخايفة لما اكبر وابقي في ثانوي ابقي نفسي اخلع الحجاب بس ساعتها مينفعشي واندم زي ما انا ندمانه دلوقتي مش عارفة اخلعة ام لا ولو رحت المدرسة من غيره كتير من المدرسين هيضغطوا عليا ويسالوني وانا مش عايزة كده وناس من قرايبنا قالوا لي حرام تلبسيه وانتي مش مقتنعه مش عارفة اعمل ايه مع العلم ان اصحابي بيلبسوا الحجاب بالمدرسة ويخلعوه بالاجازة ولما قلت لماما اعمل كده قالت لي حرام لا تخلعيه لا تلبسية مش عافة اعمل ايه وعايزة اعيش سني والبس براحتي ونظرة الناس ليا وهل ده حرام ام لا ياريت تقولوا لي رايكم واسفة اني طولت 😳