انا بكريه واتعقدت من الولاده!!!!!!!!!

بسم الله الرحمن الرحيم
انا حامل بنهايه الشهر الثامن رحت اليوم المستشفى مع بنت عمتي في الصباح كانت ولادتها الساعه 8 الصباح والدكتور نومها من الساعه وحده في الليل ولدت بعمليه عشان كان عندها سكر الحمل والحمدلله ولدت بالسلامه يوم خرج النونو من غرفه العمليات وحطوه في الجهاز وحنا نجري ورا السسترات نبغا نشوف شكله ودوه الحضانه واحنا لاصقين في القزااز حق الحضانه نتفرج فيه زي الي عمرهم ماشافو اطفال كلهم راحو الا انا لاصقه بالقزاز حق الحضانه اتفرج متحمسه قاعد اتخيل بنتي كيف بيطلع شكلها واقول سبحان الخالق واتفرج في النونو وهم يرضعونه حليب ويكرعونه واصوره وكانت غرفه الولاده كانت بجنب الحضانه شوي اسمع صوت قوي حرمه تصرخ جوااا ما اسمع الا ااااااااااااااااااااااااااه تصرررررخ وانا سرت ارجف جاني خوووووف وسرت ابكي الحرمه تحزن تصرخ صراخ هززززت المستشفى بصياحها مسكينه سرت ادعيلها نسيت النونو حقنا وسرت اقول الله يفرجلها الله يفرجلها وانا ابكي وشوي خرجت سستر من جوا سالتها قلتلها هذي حرمه ولاده صح ههههههههههه السستر تطالع فيني ذحين تقول في نفسها لقافه (اش عندها ذي) قالت يس مدام ولاده قلتلها هيه تعبانه ذحين خخخخخخخخخخخخ والله اني من جد دلخه قالت لالا مو مشكله كويسه قلت طيب اش فيه تصرخ مسكينه روحي شوفي سستر خلاص ولاده تعالي قوليلي والله جبتلها الجنان قالت طيب راحت مدري فين وانا يدي على قلبي ادعي للحرمه هذيك شايله همها والله ماعرفها ولا شي بس حسيت فيها وحزنت عليها تسكت شوي وترجععع تصررخ من قلبها اااااااااااااااااااااااااااااااااااااااااااه ومدري ايش تقول تسبسب احس الارض تنهز انا واقفه عند قسم الولاده وغرفه الطلق بعيده جوووه مره بس صياحها مسموع وشوي رجعت السستر قلتلها سستر بسرعه ادخلي شوفي وتعالي قوليلي ولدت ولا لا قعدت تضحك تقول خشي جوه في غرفه الانتظار اذا تبغين قلت لالا انا ماعرفها بس انا قلبي يعورني عليها حراااام الا وشوي زوجي جاء يبغا يشوف المولود في الحضانه ولقيني انا الملقوفه بدل ماشوف النونو جالسه عند قسم الولاده استنى الحرمه تولد وادعيلها قللي اش جابك هنا قلتله الحق الحق فيه وحده تولد هنا مسكينه وتصررررررخ من قلبها قللي وش دخلني انا فيهاا الله يعينها ويسهلها بس انتي وش قاعده تسوين خلاص اطلعي روحي شوفي بنت عمتك خرجت من غرفه العمليات:) قلت لالا ابغا اشوف الحرمه ولدت ولا لا وشوي اسمعها تصرررررررررررررررررررررررررخ يااااااااااااااااااااااااارب ياااااااااااااااارب ياااااااااااارب وانا اسد اذني وابكي زوجي سحبني قال امشي والله ماتجلسين هنا عادي كل الناس كذا لاتخافين امشي وانا امشي وابكي على ذيك الحرمه واررررررجف يققلي شفتي النونو حلو صح يبغى يضيع المو ضوع وانا متنححححححه ومسرحه افكر وخاااايفه من الولاده وافتكر صراخ هذيك الحرمه 😆 idea: 😥
وطول الوقت وانا زعلانه دموعي تسير اربع اربع 😆 hy: