اناوزوجي وظلم الناس لنا

ويوم راحت مكه بعد العدة وراحت عند اهلها بالاجازة اصروا اخوانها انها تجلس خلاااص ومالها قعدة بديرة مالها محرم فيها وانهبلوا يوم عرفوا انها مقدمه على سوااق

حلفت يمين انها ماتطلع من البيت لين ماتخلون عم عيالها يعطيها نصيبها اللي هو زوجي وللا ترا بفضحكم

كلم اخوها زوجي وكانو اهلها ذوق ومحترمين واعطوه خبر انهم راح ياخذون اختهم عندهم بجدة

وقبل لا يكمل زوجي قال له احنا خلاص لازم نعطي كل واحد نصيبه من بيت ابوي خواتي وعيال اخوي

وكانت بتنهبل اذا راحت جدة ماتبي ترووووووووووح وكل شوي تطلع لخوها شي تعجيزي عشان تقعد عندنا

ويوم درت انها بتاخذ حقها في البيت حلفت لاخوها والله لا اخذتوني من بيتي لاسوي فضيحه لهم ما اخليلهم البيت لو يحلمون

حسدها طغى على تفكيرها ليش احنا في البيت وهي راح تروح عنه حتى لو خذت نصيبها
وسافرنا احنا مكه

في اخر شعبان وهي ردت البيت قبلنا تخيلوا ياناس رجعنا مفاتيح الابواب الخارجيه مغيرة كللها وتقول البيت بيتي كلله ناسيه انه لخوات زوجي بعد لهم نصيب في البيت ومنهم ماشاء الله سبع بنات وتقول ان المرحوم دفع لابوه في البيت وجابت اوراق كللها زووووووووور ماادري من وين جابتها

كللم زوجي اهلها ودخلنا البيت وقال اذا لكي شي بتاخذينه روحي المحاكم ووريهم اوراقك هذي

المهم وجا رمضان وصارت تسير على الجيران وعلى اهلنا وعلى كلللللللللل اللي نعرفهم وتبكي وتقول طردونا من البيت

وبياخذون حق اليتامى وهذا عمهم حرامي ونصااب كبير( حسبي الله ونعم الوكيييييل )

المصيبه انه الناااس كلللهم مصدقينها ليش لانها ارمله وام ليتامى

ويجون رجال كبار من جماعتنا ويكلمون ويبخون زوجي ويقولون له مافي داعي توصلها للمحاكم حراااام عليك ذولي عيااال اخوك ليش ماااتتعض هذا هو راااح وخللى الدنيا ومافيها

وانا الحريم اذا رحت زياارة يطالعوني بنظراات وادهم يطردوني من بيتهم ويسمعوني كلاام ليش راحت وهي كانت ببيتها مرتاحه
اقوللهم اخوانها بجدة مايبونها تجلس بروحها بالرياض

يردوون علي الله يستر على النااس ماحد يدري وش ربي كاتب له

ووصلت الكلام لجيراننا وجاو عندنا واجتمعوا على زوجي ويقولون له حراام عليك عيال اخوك وهو يقوللهم لا تصدقونها
حقها بيجيها ان شالله واخوانها اللي شالوها يقولون الحرمه جات عندنا وهي تبكي بصوووت من الحرقه اللي فيها
ويطلعون من عندنا وهم يدعون لزوجي بالهدايه

زوجي نفسيته زفت اول موت اخوه وبعدين مصيبة زوجته علينا يعني موت وخراب دييااار

ورااحت في اخر رمضان وهي تتحسب وتقول والله مااخليكم تقعدون في البيت بطلعكم منه مثل ماطلعت

زي المهبووووووووووووله من الحسد اللي في قلبها

الحين انا قلت لكم وش اللي عندي وانا مالي اللا الله ثم انتم زوجي راااح نص وزنه وانا حاامل وتعبت نفسيتي

من مشاكلهاوطول يومي وانا اتحسب عليها وربي يكفينا حسدها ويحفظني وزوجي وبناتي من كيدها

شووروا علي وش نسوي بالناااس اللي اكلونا بقشورنا والله ودي اهج واخلي الرياض كللها منهم ومن ظلمهم
حسبي اللــــــــــــــــــــــــه ونعم الوكييييييييييييييييييل