عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا اول مره اكتب موضوع وحابه اسألكم وش قصد ام زوجي في كلامها ومااقول غير حسبي الله ونعم الوكيل ؛؛؛
انا صارلي اربع سنوات متزوجه وماجاني عيال الحمدالله يارب على كل حال ؛؛؛
الموهم رحت جلست عندها نتقهوى واحكيها عن ولدها وكلامه الغريب وتصرفاته الطفوليه مع ان عمره 35 الفرق بينا 10 سنوات …
يابنات زوجي زي العسل بداية زواجنا السنه الاولى والثانيه بس الثالثه صار فيها تتش كبير جدااااااااااااا فالسنه الثالثه ماهي محسوبه بالنسبه ليا لانه كنت عند اهلي من بعد مارجعت وهو متغير مع اني كنت ابغى اتطلق بس رجعني يقول لاني احبك رجعتك وانا وافقت على اساس انه عرف غلطه وحيغير من نفسه بس للأسف ماتغير ابداااااااااااااااااا بالعكس اسوأ بالذات في النوم !!!!
وبالنسبه لامه من يوم مادخلت بيتهم وهي تحلف برب السموات والارض انها تحبني اكثر من بنتها وتفضلني عن بنتها ( بنتها كبيره ومتزوجه وعندها عيااال ) واش مااقلكم عن ام زوجي مااخلص من جمايلها الكثيره ماتتخيلون لو اقلكم ماتصدقون الموهم بعد المشكله الكبيره حتى امه تغيرت عليا جدا مع انه ورب الكعبه وربي شاهد على كلامي انه الغلطان ولدها وهي عارفه بس ليش تتغير عليا !!!
وانا بين نفسي دايم اتمنى يوم القيامه يجي عشان نتحاسب قدام بعض ونشوف من الظالم والمظلوم لانه مهما سوو فيا افكر اول شي في ربي والحمدالله …
الزبده انه قلت لامه اتخيلي ولدك يقول ليش ماتطلبين الطلاق يالله خلينا نتفق وحطي يدك بيدي على اساس يكون الطلاق باتفاق بينا !! شوفوا كيف مااحقره حسبي الله ونعم الوكيل
واحيانا يقول انا ماابغاك انا مااحبك مين قال اني بموت من غيرك ياختي روحي اطلبي الطلاق خلاص احنا ماننفع نعيش مع بعض وحياتنا ماراح تستمر ….
قامت عمتي اش تقول قالت انا سمعت وحده بالتلفزيون تقول الوحده اذا بينها وبين زوجها مشاكل ومابينهم اطفال تطلب الطلاق عادي اما اذا بينهم اطفال فهذي صعبه بالله يابنات انا مااعرف في حركات الحريم تتوقعون كلامها بنيه نظيفه والا قصدها شي مع انها تحبني وانا احس قلبي يحس بس نغزني كلامها عمتي هذي اللي تموت فيا ليش تقول كذا حتى تقول اذا ماتقدرين تصبرين فالله يستر عليك احنا مانبغى نضغط عليك وانتي تحرقين في نفسك من تصرفاته مانبغى نظلمك !؟!؟!؟!؟!؟!؟ يعني هل هي وساوس من الشيطان والا تقصد شي ..
