ام زوجي تبي تزوجه ياااابنات الحقو علي ساعدوني

السلام عليكم
انا عندي موضوع مره مضايقني وشاغل بالي
انا متزوجه لي 7 سنوات ولسى ربي مارزقنا بطفل الحمد لله على حكم ربي
لاكن الي مضايقني اني حملت مرتين واجهضت وتو اجهضت قبل شهرين اخر مره وتعب وجلست بالمستشفى 5 ايام بعد الاجهاض والدكتور حظرني ما احمل الا بعد سنتين او سنه
المهم وحده من اقاربنا ولدت وجابت ولد ومسوين عزيمه عشان سلامت الام والولد ورحنى انا وام زوجي وخوات زوجي وسلفاتي ثنتين طبعن كلهم اخوات زوجي وسلفاتي عندهم اطفال الله يخليهم لهم بس لو تشوفون نظرات الحريم لي كاني مسويه جريمه يطالعوني كلهم وبشفقه ولاني دخلت وكنت شايله بنت اخت زوجي المهم باركنا للام وجيت شلت النونو ابي اشوفه وحب استطلاع ابي اعرف طلع يشبه مين وانا ما اقصد قلت ياحليله يهبل قالو كلهم قولي ماشاء الله اذكري الله انا قلت ماشاء الله وكلهم ساكتين وعينهم علي لا اسرق الولد ونزلته بسريره وجلست اتقهوى وعادي مازعلت.
بس الي قهرني اخر العشى كثرو الحريم وكل وحده تسلم علي تقول مافيه شي بالطريق اقول لا ينظرون لي بنظرت رحمه وشفقه وكل وحده تبدع في الوصفات والدكتور الفلاني ممتاز ومدري وشو صار حديث المجلس عن العقم وعن الدكاتره وكلهم يقولون انك استغفري ربي وصلي اخر الليل وادعي الله من نيه طيبه وش قالولهم ماعرف ربي انا وكلهم عينهم علي انا مسويه عادي .
الي قهرني حاجتين
الاولى يوم نغسل من العشاء وثنتين وراي وحده تقول لثانيه هذي زوجت فلان قالت الثانيه ايه لو شفتيها دخلت شايله بنت اخت زوجها والله اني خفت على البنت منها!!!!!!!!
وشو باكلها؟
الثانيه ام زوجي الله يسعدها كل الحريم يعطونها وصفات وخلطات واسماء دكاتره واسماء ممرخات عشان توديني لهم بس لو اعطوها قدامي معليه لاكن من ورايه ويوم ركبنى السياره قالت لزوجي بكره بعد صلاه العصر مروني بنروحلوحده سودانيه تمرخ بالظهر عشان زوجتك!!!!!
انا انصدمت يعني انا مالي راي على كيفها الشغله ,قال زوجي لا يا امي الدكتور مانعها من الحمل الحين وهي تعبانه من الاصقاط وانا مثل الاطرش بالزفه ماخذو رائي ولا شي قالت له اذا انت ماتبي خلفه انا ابي اشوف عيالك انت كبرت يا فلان ولازم تشوفون لكم حل اذا مابتودينا للحرمه تمرخها انا بدورلك عروس تسعدك بالولد وتسعدنا معك!!!!!!!
❗ 😆 🙄 😉 ❗ 😆 😀 👿
وقدامي بعد لا حول ولا قوة الا بالله
زوجي ضحك ضحك ضحك وقال خير ان شاء الله
انا ولا كلمه بس دموع من تحت الغطاء
ولا كلمت زوجي ولا فاتحته وهو ماقالي شي
انا فكرت قلت بقطع اهله ماعد بروح لهم عشان تحس ام زوجي
ومن ناحيه ثانيه اقول بطنش بس شكلها مقهووووره وكذا مره تلمح بس امس قالتها صريحه.
وش اسوي يابنات انا محتاجه الارشااد منكم والمشوره انا مابي اكبر السالفه بس والله صدري ضايق احس اني بمووووت من الغيض
الله يكفينا شر غيض النساء يااارب.
طولت عليكم اتمنى تردون علي. 😡