عالم البنات النسائي كل ما يخص المرأة العربية من ازياء وجمال والحياة الزوجية والمطبخ
والله يابنات تعبت قسم بالله تعبت
اقولكم قصتي طبعا قصتي مازالت وماراح تنتهي
مشكلتي مع امي الله يحفظها
امي من النوع العصبي وتطلع حرتها فيني لاني انا البنت الوحيده بالبيت
اخواني ماتعصب عليهم بلعكس تداريهم وتدلعهم على الاخر
فوق هذا التدلعي خانوها وباعوها ومع كل اللي سوو فيها الا هي
تحترمهم وتحبهم ولا تزعل منهم ولا كانهم سوو لها شي ابدا
وانا الضحيه بالهواش
تهاوشني على اي شي حتى اذا صارت تسولف ورديت عليها بهدوء عشان ماتزعل
تبدا المشاكل وتحوس بالبيت وتخانق لدرجه اني ماقدرت اصبر
لما كنت ادرس تزعل من اخواني
وتجي تهاوشني انا حتى مره كنت قافله على غرفتي اذاكر
جتني تهاوشني وتطق الباب بقووووه وكانه في حريق او شي خطير بالبيت
فتحت لها الباب قلت خير وش فيه
بدت تهاوشني وتطلع الارشيف لما كنت صغيره الى الوقت وتضيع وقتي
وانا عندي اختبار نهائي اقولها يمه مو وقته عندي امتحانات الله يخليك يمه
خليه المشاكل بعدين
ماتسمعني رسبت سنتين لهذا السبب ومازلت صابره
وامي مااهتمت ولا كانه صاير شي
كرهت الدراسه صحيح اني تخرجت بحمد الله وفتكيت بس ماقدرت اكمل
لاني ادري الجامعه يبغالها حرص وتركيز وانا ادري اني مو قدها خصوصا
بهذي المشاكل
دخلت معهد وتخرجت منه بمساعده المدرسات وهم عارفين ظروفي
والحين لي 7 سنوات بالبيت تخيلو يا بنات 7 سنوات متواصله
ويوميا هواش وتجريح من امي
مره تهزء ومره انتي ماتشتغلين مع اني ماخليت مكان ماقدمت على وظيفه لي 7 سنوات وانا اقدم
بس وش اسوي هذا نصيبي
واذا قلت لها يمه انا المفرووض اكون مربيه الاجيال
ترد علي بضحكه تقهرني وين الاجيال ذولي انتي عانس
يعني يا يمه
انا الي قلت لنفسي ماابي اتزوج يا يمه ماهو كانو يخطبوني وانتم ترفضون
الحين صار عمري 35 سنه تتكلمين فيني قسم بالله ماني قادره على هالحال
واذا خطبني رجال كبير عنده عيال رفضتيه وقلتي لا لازم شاب
شعري صار فيه شيب من القهر والضيق
صرت اكره اطلع واروح واجي والسبب امي
مع اني مرحه والكل يحبني
صار فيني ضيق بالتنفس وكتمه ودوخه ودوار ويوميا ابكي لما اروح لسريري
على فكره امي تنام معاي يعني ليل ونهار هواش مااستغني عنه
امي احيانا تعاملني على اساس اني طفله عمري 5 سنين
تعلمني الكلام اذا صرت مع الناس وتقول هذا عيب وقولي كذا
ومره تعاملني على اساس عمري 14 مراهقه
تقولي تروشي غيري ملابسك احس اني مجنونه موب ادميه وهي تعلمني
واحيانا تشوف جوالي على اساس اني مراهقه واغازل
واذا ضحكت بالجوال مع البنات صارت سالفه وانواع الاسئله
ليه تضحكين وش كنتو تقولون ولا تقرب اذنها وانا اتكلم
عشان تسمع
.
.
.
.
.
وربي سجلت عشان اقول الي بخاطري وارتاح
والحمدلله ارتحت شوي بعد ماتكلمت بالكتابه بدون صوت
