عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الســلام عليكم
أنــا دايم اتابع واحس بهمومكم وتشجعت وقررت اشارك عشان افضفض واحس ان فيه احد حاس باللي فيني ، أول شي ابغاكم تعرفوا إني ماابالغ بأي كلمه راح اكتبها وربي يشهد علي
أنا من زود الهم والتعب اللي فيني أقسم بالله إني اصلي بآخر الليل وادعي ربي يموتني رغم إني كنت اخاف ادعي بهالدعوه واتردد واحب الحياه والحين والله والله اتمنى الموت ، بنات والله مافي شي معي كل شي ضدي أنا عمري 23 سنه طبعاً الوالد توفي وأنا عمري 11 سنه وكنت متعلقه فيه بالحيل ولما توفي أنا كنت رايحه مشوار مع اهلي وجبت له ورد والله والله يابنات لما وصلنا البيت ع الساعه 1 بالليل
شفت فوضى بالشارع وصياح جيت اركض اسأل اخواتي قالوا ابوي مااااات أحس الدنيا صكتني
بكيت بكى بحررررررقه والكل كان لاهي بعد ماتجمعوا الجيران عندنا في البيت طبعاً اخواتي اخذوا بعض وراحوا المستشفى وأنا ابغى اروح اشوفه قلبي انننننفطر اصرخ واترجاهم ابشوفه ماخلوني ودفنوه وأنا مامليت عيني منه لليوم هذا وانا ابكي قهر وحسسسسسره لأني ماشفته ، واللي امر من هذا إنه لما كان طالع من البيت توفى عند باب البيت لقيت فطيره كان ماخذها معاه ماكل شوي ومو مكملها ومكان مسكته لها على ماهي ماتغيرت وكان معه برتقاله موزه ماكل منها شوي بس ، يابنات ابوي هذا شاف انواع القهر والظلم والظيم من اهله ومن الناس كان يشتغل بالمزارع عشان يصرفنا صح عاش فقير بس الله اغناه بغنى نفسه وماقصر علينا بشي …
معاناتي بعد ماتوفى اخوي توكل علينا وورانا الظيم منه ومن زوجته والله والله والله يابنات يمكن تفكروا إن كلامي مبالغ فيه بس يشهد علي ربي إني صادقه تخيلوا ماكان لأبوي معاش بس الضمان الإجتماعي
على ايام اول كان سنوياً لما نزل الضمان جاء اخوي واخذه غصب عننا وامي كانت راضيه اخذته غصب واعطته اخوي ، وحتى طلبات المدرسه كانوا بعد ماينزلوا دموعنا يجيبوها لنا وحتى المراييل اتعذب عذاب لازم اداوم وفرحتي مكسوره اول اسبوعين عشان يعطوني افصل مريول ، ومصروف المدرسه والله يوم يومين والباقي يسحبوا علينا ، كنا 3 انا واخوي واختي ماقدرنا نكمل اختي فصلت واخوي نفس الشي فصل وأنا كنت اعذل عليهم واقول لمتى بالمذله خلونا نتحمل وبكره رواتبنا تعزنا وبالأخير أنا كلي فصلت
تدروا ليش ومن ثاني ثانوي عشان قلم!!! بس لأني قلت لهم ابغى قلم انا مااعرف اكتب إلا بسايل
هذاك اليوم إنضربت وتنغصت العشاء قدام الضيوف عشان قلم سايل بـ 5 ريال ماكانت عايزتهم الخمسه بس كذا طبعهم ، وماكانوا يخلونا نطلع نزور احد ولا يخلونا نعزم صاحباتنا يعني عذاب كنت كل ليله ابكي واشتكي لله ، آخر شي من الكبت شريت جوال بالدس وبديت مكالمات وانا عمري 15 سنه بس ماكنت اقابل وصغيره ولقيت اهتمام وإنجرفت المهم اللي كنت اكلمه كانت امه مطلقه وتدري انه يبغاني وكانت تتصل تسألني عنه عشان ابوه مانعهم من بعض كنت انا اوصلهم لبعض كان كل دنيتي فجأه صار معه سرطان بالدم قعد شهرين وتوفى وصار الهم يكبر ثاني واحد بعد ابوي احس بالأمان معاه توفى
قعدت 7 شهور وأنا في اكتئاب كنا مخططين نتزوج والبلى لما توفى كنا متخاصمين كأنها رحمه لي من الله بس غبت يومين الثالث توفى والله يابنات اني صادقه بعدها كرهت الناس وإنطويت كان وزني 64 صار 49 وهزللللللت حيل بالقوه طلعت من الحاله اللي مريت فيها ، بعدها سافرنا مكان عشان مناسبه وانا كنت بمحل حاسب قلت للعامل لما يخلص الجهاز اتصل علمني ولما نقلته الرقم كان فيه واحد واخذ الرقم وصار يزعجني وكنت ماارد آخر شي قام يوصفني خوفني رديت وقعدت اذكره بالله بس مافي فايده وبيوم من الايام بحالة ضعف تجاوبت معاه وجلست اكلمه 4سنين حبيته وحبني وسألني إذا ارضى اتزوجه وإلا لا ؟ وقلت له انا حبيتك ودام انت حبيتني وهذي نيتك شريفه ليش لا موافقه..
المهم لما كلم اهله ابوه اتصل فيني وقال طول ماانا عايش ماراح ياخذك رغم إني الحمدلله مافيني شي بس لأنهم عرفوا إنه يحبني وقبل كذا ملك وطلق عشاني وهي من جماعته حقدوا علي
كل تفكيرهم اني ابغاه عشان فلوسه!!! رغم اني الحمدلله حلوه واخلاق ونسب وهم فيهم امراض وراثيه صععععبه حيل رغم هذا كله رضيت بس هم مارضوا فيني المهم الولد كان عادي قال انا ابوي اكرهه وراح اعصاه لأن الله مايرضى بسواته راح اجيب خالي ونجيكم قلت له لا لا اهلي ماراح يوافقوا لازم ابوك بعدها بشهر الولد تعب تعب مو صاحي وأنا كرهته يعني صرنا بس مشاكل على اتفه شي
والله كان يقول لي : عسى الخلفه اللي الله كاتبها لي مااشوفها ولا افرح فيها إذا ماهي منك..
المهم راح لشيخ ولما الشيخ هذا قرا عليه قال له إنت مسحور وبعد ماحاول فيه قال له المفروض مااعلمك بس عشان تنتبه وتاخذ حذرك اقرب الناس لك من امك!!!!!
لاحول ولاقوة إلأا بالله….. المهم اتصل فيني والدنيا ضااااااااااااااااايقه فيه قال اخاف اقول لك شي
تتركيني قلت له قول وش فيك أنا عشان مستعده اتحمل كل شي علمني وهو خجلان من السالفه
هونت عليه وشجعته يصبر ويتعالج بس قبل مايبدا يتعالج جاني تيلفون إنهم خطبوا له ولما واجهته انكر
وقال لا والله والله والله تصرفاته مو منه بالأخير اعترف وقال انا ماابغاها انا ابغاك انتي اصبري وربي لأطلقها قلت لا وش ذنب بنت الناس وانا حتى لو صبرت اهلك دمروك وإنت ولدهم ومو عاجزين يدمروني أنا مااقدر اهلك مايبغوني حتى لو اخذتك راح تصير عداوه وكراهيه وانا ماابغى عيالي يعيشوا العيشه اللي أنا عشتها بطفولتي وتركته وتعب ودخل المستشفى بعد ماخليته وعمه يتصل يترجاني ارجع له وانا رافضه لأني لازم احط حد لمعاناتي مو معقول اصبر لحد مايتزوج وانا معاه وانقهر واتعب وكل يوم وانا ابكي ابغاه ومااقدر غيرت رقمي بس لما اشيك علي شريحتي الاقي رسايل عتب ويقول احبك ارجع لي لو صدق تحبيني راح اخذك غصب اهم شي نكون مع بعض وانا داعشسه على قلبي واتألم
وصاااااااااااااابره وكل مايتقدم لي احد ارفضه وتقدم لي واحد متزوج اخلاق وعمره 28 سنه ومن يوم سمع عن علاقتي باللي قبله سكت عشان عارف انه فيه احد بحياتي لما عرف اني تركته تقدم لي وانا متردده وخايفه لأنه يعرف الماضي حقي وهو يقول انا مااحاسبك على حياتك بدوني الماضي انا مايهمني
ادري غثيتكم وطولتها بس وربي حياتي قهر قهر مالي حظ واشوف تصرفات يابنات والله والله من محارمي
بس إن تكلمت فضيحه وخراب بيوت وسمعه مالي حيله كل المصايب عشتها اشياء تشيب الراس مااقول إلأ الله ينصرني ويستر علي وامااااااانه ادعولي اتخلص من الظلم ومن القهر والعذاب حتى صاحباتي اقسم بالله يتقربوا مني عشان يبغوا مني علاقات ولما ارفض يتركوني والله 7 بنات ومايعرفوا بعض بس نيتهم كذا يتقربوا مني عشان الشي ذا … بنات احس بتجيني نفسيه والله تعبااااااانه
ادعوا لي…..
