الي تعاني من حبوب الشباب مثلي…تتفضل

كثير منا يعاني من حبوب الشباب الي مع الاسف تخرب البشره بشكل مو طبيعي و تخلي الوحده متعقده من كلشي ( مثلي سابقا)

ما احب اطول عليكم بس الي تعاني من حبوب شباب اول شي لازم تسويه تراجع طبيب جلديه.. هذا شي جدا مهم حتى تعرف شنو سبب المشكله… مو تقولي عادي هي كم حبه.. انا قلت كذا و صار وجهي مليان نقاط حمر

انا رحت لطبيب جلديه و قال حاله نفسيه و هرمون.. بس اتزوج تروح المشكله و الحين راح اخبركم شو عطاني و الحب عندي الحمد لله خف بنسبه 80 بالميه

اول شي عطاني حبوب اسمها Tetralysal و هي نوع من انواع المضاد الحيوي.. انا شفت نتيجتها من دون مبالغه من ثاني يوم وجهي ارتاح كثير و صار صافي رغم اني كنت لسه باديه بالحبوب .. اخذها مرتين باليوم… الصبح و الليل …

ثاني شي عطاني كريم Skinoren هذا يا بنات والله اكثر من روعه علاج ساحر يعني انا ما صدقت بس جربته كم مره انبهرت بالنتيجه…. انا مشكلة الحبوب عندي كبيره و مع الاسف كلها بمناطق جماليه بالوجه يعني الوجنه , الصدغ و المصيبه انها اول ما تطلع تكون اشبه بالقنبله 😆 idea:… استخدمت الكريم في الليل بطبقة كثيفه شوي … صحيح حرقني بس والله ثاني يوم كانت الحبه صغيره تماما و من ثاني استخدام اختفت الحبه

انا استخدمه لكل الوجه رغم انه يحرق لكنه يقضي على الحبه و بنفس الوقت يصفي البشره..

ثالث شي استخدمي اي جل غسيل لكن يكون للبشره الحساسه لان البشره راح تكون حساسه شوي خاصه مع استخدام الكريم الي ذكرته فوق .. انصح بماركه طبيه او تكون معقمه مثل … نيتروجينا..كلين اند كلير او اي غسول ينباع بالصيدليه .. انا الطبيب وصفلي غسول من ماركة Avene

رابع شي وصفلي كريم واقي شمس مرتفع الحمايه 50+ و هذا جدا مهم يا بنات لان الي عندها حبوب يصير عندها تصبغات فضيعه بالجلد… الحبه يصير لونها اسود او بني و يترك اثر… واقي الشمس مهم جدا خاصه الي يستخدم كريم Skinoren لان البشره راح تتقشر

اخواتي حبيت افيدكم لان في منا كثير يعاني من مشكلة الحبوب… و نصيحه مني لوجه الله راجعي الطبيب فورا ولا تستهيني بالموضوع