عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الي تزعل من رجلها تجلس في بيتها لايصير لها ماصار لي
يابناااات شدووو ارضكم لين تهاوشتو انتم ورجالكم لايصير لكم الي صاار لي
واتسبديه بغيت اشرد عيالي من راسي اليابس ماكذبت امي يوم قالت لي راسك راس غليص
السالفه ومافيهاا وخذو العضه والعبره منهااا والشين لاتاخذونه
تهاوشت انا رجلي مييير ينغزني بليس جعله الطاعون ويقولي هددي رجلك قولي ابروح بيت اهلي
التفت على رجلي بكل ثقه وكبريااء واقوله ابرووح لاهلي ماابيك
متعوده اذا قلتها يراضيني اقلها يقول مافي روحه او يطلع من البيت وياخذ مفتاح السياره من السواق
اثاري بليس جعله الطاعون ناغز رجلي بعد
قال لي رجلي هذا السواق عندك خليه يوديك
تطقني ام الركب والروعه خخخخخخخخخخ قلت ايه بس لاتاخذ مفتاح السياره منه
ابي اذكره عشان ياخذ المفتاح منه
قال لااا مانيب ماخذه روحي لاهلك
واقوم انادي الخدامات واقولهم نزلو الشنط من المستودع واقوله بصوت عالي
وهو قاعد يتفرج على التلفزيونhttp://www.3roos.com/forums/images/smilies/tv_horror.gif
وانا قاطعني وجهي من هالخدامات واقوم اضف من هالملابس واعبي الشنط واقول في نفسي الله يعين هالخدامات على الترجيع
ومغير اطلع عنده في الصاله كاني اباخذ شي ابيه يقول شي لي واللرجال ساكت ويتفرج على التلفزيون
وانادي ولدي قلت شف ياوليدي انا بنروح ننام في بيت ماما فلانه<<<امي
وبتطفش هنااك وماراح اخذ السوني ولا شي رح قل لابوك بابا مانبي ننام في بيت خوالي نبي ننام عندك
قال ولدي الثور لا ياماما الله يخليك خل نروح لخوالي خخخخخخخخ ننام عندهم
واهاوشه قلت رح قل هالكلام وانت ساكت
راح هالدلخ قال بابا ماما تقول قل لبابا نبي ننام عندكhttp://www.3roos.com/forums/images/smilies/UP202.gif
انا عند الباب اتسمع بغى يغمى علي اقول تعال يافلان مو قلت لك مافي نوم هناا بنام في بيت اهلي عشان بابا بيسافر ويمكن يطول مره عشرين سنه
ابي زوجي يدري اني اذا طلعت ماراح ارجع له
هالخبل فرررح قال اشوااا بنام في بيت خوالي كثير
وكل هذا ورجلي والجدار واحد
واقعد اعبي الشنط وانا اقول ياودودو ياودودو يامغيث اغثني لاتوهق
وابي زوجي يشوف الشنط واني معزمه عشان يراضيني قلت له الشنط ماكفت رح جب لي كراتين
قال خذي الضروري والباقي ارسله لك بكره :
قامت الدنيا تدور بي
قلت تعال نزل هالشنطه من فوق الدولاب وجا نزلها
يعني ابو الشباب ماهمه من غير رائيي اقعد احكي على عمري وسبحان الله مانزلت مني ولادمعه الظاهر اني جازعه خخخخخخخخخ
وننزل الشنط ونركبها السياره
اقوله قم ودني لبيت اهلي
قال روحي مع السواقhttp://www.3roos.com/forums/images/smilies/BYE2.gif
قلت السياره مليانه عفشناا ماتكفي مافي مكان نركب
قال يله مشينا
وساعه وانا اسحب عيالي واماطل والرجال معزم
وانا اقول في نفسي توبه اقول بروح بيت اهلي جعل لساني المقصhttp://www.3roos.com/forums/images/smilies/sa24.gif
وركبنا ورحنا بيت اهلي قلت لعيالي لاتنزلون لين يفتحون الباب حر وشمس
واحط نفسي ارن الجرس وانا مارنيته مجرد لامسته خخخخخخhttp://www.3roos.com/forums/images/smilies/21_133.gif
قلت شكل محد في البيت قال اتصلي عليهم
قلت مابي اروع امي http://www.3roos.com/forums/images/smilies/21_133.gif
قال تعالي اوديك مع الباب الثاني باب الرجال عاد ذاك الباب فيه غرفه الحارس والسواق بيفتحون على طول
قلت له لا خلاص ودني لفندق يومين عشان امهد لامي ودني الفيصليه عشان اقرب لمدرسه ولدي مابي شقه مفروشه اخاف خخخخخخخ
قال مافي فناادق ولاشقق انزلي لبيت اهلك وقولي رجلي مسافv:
عاد هنا شعشع الامل في قلبي
قلت مالك دخل فيني اسكن في الي ابي اصلا خلاص انا ابي ورقتي ومابي عيالي لين شافو عيال اخوي مع ابوهم يحسون ويضيق صدرورهم ابسكن في شقه مفروشه لين ادبر لي بيت جنب اهلي وعيالي ابحرمك منهم خخخخخخ
مابقى اقوله الا رجعني البيت معك لاذبحك خخخخخخخخhttp://www.3roos.com/forums/images/smilies/21_195.gif
حسيت انه بدء يتاثر يوم قلت عيالي قلت اشوا ابو الهول بدء يحس
قال انتي الي جايبه هالشي لعيالك
قال وين تبين اوديك خخخخخخخخخخ
قلت ودنني لبيت وحده من خواتي ابقعد عندها عشان ماتدري امي وتتعب امي فيها سكر وضغط وقلب لو تدري انك مسوي فيني تنهبل لين ادبر لي شقه مفروشه مع اني مستحيه اجلس في بيت ولد الناس واكيد بيعلم اهله بس الشكوى لله ولد الناس بيهتم فيني وفي عيالي اكثر من ابو عيالي وهو الي بيصرف على عيالي ياكلون من بيته وينامو فيه
وهو متنح وساكت
يعني لمحت له ان ماكان تصريح لاتوديني لبيت اختي خخخخخخخخ
قال لاعيب
يهديك الله وترجعين معي واذا معزمه ماتبيني مافي الا بيت اهلك خخخخخخخخ
هنا بغيت ازغرد من الفرحه خخخخخخخخخخ http://www.3roos.com/forums/images/smilies/21_131.gif
على طول من الفرحه قلت اي رجعني للبيت لين امهد لامي خخخخخخخخ
وانا في نفسي اقول ابقضب الارض واشد بيتي بلا هبال بلا دلع
هنا عاد ولدي يوم شافنا راجعين انهبل يصيح يبي بيت اهلي بغيت اذبحه خخخخخخخخخhttp://www.3roos.com/forums/images/smilies/UP202.gifhttp://www.3roos.com/forums/images/smilies/UP202.gif
بس يابنات الي بتزعل تزعل في بيتهاا ممكن الرجال حتى لو يحبك ويراضيك يمل ويبيعها زي ماصار معي
عاد ادعو لي ان الله يسخره لي وخذو العضه والعبره
عجبتني القصة وانشاء الله ماتكون مكررة
مــــــــــــ ن قــــــــــــ ولـــــــــــ
