الي تخاف الله يخليها لاتدخل

كل عام وانتو بخير 👿

وشهر كريم ومبارك عليا وعليكم يارب

ليا مده مشغوله معد ادخل الفراشة وحشتوني مره

بس دحين ضاقت شويا الدنيا عليا ولجئتلكم بعد الله اتمنى دعواتكم يالغاليات 😆 🙄

اممممممممممممممم
من وين ابتدي ❗

قبل 3 شهور كنت عايشه ايام حلوه بالنسبة لي + تئنيب ضمير لانها كانت حياة مليئة بلمعاصي اللهم اغفرلي وسامحني 😡

المهم وهاديك الفتره بس احس بفتور وخمول في جسمي موطبيعي وطبعا بما انه عندي بنوته الله يحفضها وزوجي لازم اني اقوم واشتغل فكنت اخد بندول وفوار فيتامين سي سوا واحس بنشاط عشان اشتغل ماكنت اعرف اني حامل
ولمن عرفت والله زعلانه لانه الحمل سار غلطه وبنتي لسه صغيره والادويه الي كنت اخدها الله يستر على اللي في بطني ويحميه ويطلع في اتم الصحه والعافيه وفي هدا الشي اكيد اني موكله ربي

الشي الثاني وهنا بدايه المئساه

والي تخاف الله يخليها لاتقرءا قصتي عشان لاتجلس تدعي علي 😉

المهم كنت دايما بعد الجماع مع زوجي يغلبني نعاس شديد وانام وانا على جنابه

وانا في غمره النوم اصحى على مشية احد في الغرفه وكنت اظن انه زوجي
ولكن لمن افتح اشوف شاب داخل الغرفه وساعات اشوفه خارج
ومره وقف عند سريري وانا من النوم احسبه زوجي وفي الاخير طلع مو زوجي وطلع من بسم الله

( وربي شعر جسمي وقف وانا جالسه اكتبلكم الكلام )

وانا احسب اني احلم واصحى من النوم انسى الشي الي شفته
الين اخر مره الي بعدها انا متهجوله وتعبانه وماني قادره انسى الي هيا

بعد مازوجي خرج راح عمله وانا صاحيه وبعدين رجعت نومت ودوبني ادخل في النوم الي بدا الازعاج والمشي وعده مرات
وبعدين اني حلمت او هوا حقيقه لحد الان ما ادري اني قلتله انت اش تبغى قلي انا ساكن هنا

ولاتسوي نفسك قويه وسار يجري في الغرفه مثل الريح

اه هنا حسيت بالموت وقمت وانا ارتجف واتصل على زوجي يقلي دوبني وصلت الاعمل
قلتله خلي ابوك يجي ياخدني ورحت بيت اهله وجلست اربعه ايام ما اقدر انام من الشي الي شفته

المهم زوجي اتصل على الشيخ وحكاه على كل شي قال طالما يجي بشكل شاب وسيم ويتبسملها هدا عاشق وزوجتك حامل ما اقدر اقراء عليها اخاف يسوي فيها شي

وبعدين زوجي قله هي لسه في الاشهر الاولى انا ماهمني الجنين اهم شي زوجتي

وجاء شاف البيت قال مافيه شي
وقري علي وطلعت اعراض العين انه احس بحراره في جسمي وعيني ترف بشكل مو طبيعي

قال الشيخ هادي عين مصاحبه لمس

لكن عشان هي تتحصن وتقراء دائما الحمدلله انه العين جات فيها لكن المس ماقدر يتلبسها ولله الحمد

ولازم تستمري على الرقيه وسورة البقره

ولازم تنامي على طهاره او على الاقل تتوضي

المهم انا قفلت غرفه النوم وجلست انام في غرفه الجلوس حق التلفزيون وانام على القران والحمدلله

بس مره نمت كنت على جنابه اتوضيت ونمت حبيت اختبر نفسي جاني كابوس بس خفيف انه جسمي يتكتف وما اقدر اتحرك

لكن الشي الي اعاني منه حاليا ليا كذا اسبوع جالسه عند امي

انه عندي خوف من البيت ومع ابغى اروحه

ولمن ابغى اروح من غرفه لغرفه اشيل زوجي معايه ولو طلع من البيت وبنتي تكون عندي برضه احس برعب مو طبيعي وامشي واتلفت احس انه باقي شويا واسير مجنونه 😆 idea:

اتخيلو فوق هدا كله الوحم والغثيان وما اقدر اكل وضرسي اعوذ بالله احس كله متجمع عليا يارب يكون تطهير من الذنوب الي كنت اسويها

لكن الخوف ماني عارفه اتخلص منه ودحين اهلي اخذولي موعد عند شيخ ثاني عشان يقراء عليا يقولو يمكن العين عشانك جالسه في شقه كبيره وحلوه لحالك والعين مسببتلك رعب لازم تروحي للشيخ وانا اخاف من الشيوخ اخاف لا اطيح لاسمح الله ولا يكون فيا شي كبير

وخالتي تقلي في بعض حمل يسوي كذا وربي محتاره في عمري نفسي يخلص هدا الكابوس في اسرع وقت