الي بالها طويل تدخل وتقرا مشكلتي

السلام عليكم ورحمه الله وبركاته
طبعا حدخل في الموضوع وما بغى منكم اخواتي الا الدعاء لي واعطائي النصيحه طبعا الي لها خلق وفيها تسمعني جزاها الله خير انا عندي مشكله واترددت كثير اني اكتبها لاني تعبت منها مشكله معقده
وهي انا متزوجه من خمس سنين ونص واتزوجت زوجي وكان رومنسي معايا وحنون لكن بعدالزواج بشهر حسيت انه يحب يعلق ابغا وما ابغا طبعا من طلباته مافي جوال مافي شغاله الا لما اشوفك بتنتهي
المهم عديتها وقلتله طيب وحاضر ليش اخرب بيتي على شئ تافه وبدأت امه تتدخل في كل صغيره وكبيرة مع العلم ان انه بيتي بني وبينها مسافه وغير سلفتي الي تسوي معايا طيبه وتشعلل النار فلانه قالت وقالت وعرفت بعد كده انو عند حماتي مفتاح شقتي وتجي فيها هي وبناتها كل مازور اهلي وتفتش ايش ابنها جابلي وسارت تتبلى علي مره دقت وقالتلي تعالي وانا تعباه وقلتلها انا تعبانه خليه بكره الازوجي يدق ويقول امي تبكي وتقول انك هزئتيها وسبيتيها وانا احلفله المهم حلفت كذب بالقرآن
واستمرت في اذيتي احيانا تكون هادئه ماتسويلي مشكله وقبل ولادتي قررت تشتري بيت شعبي وقالتله تعالو اسكنو عندنا في البدايه وافقت علشان اكتفي شرها ولما شافتني وافقت قالت كل يوم تطبخي لنا وتمسحي درج البيت وحتى هي على فكره لما نخرج مع بعض ماتقولي الانفس اليوم الظهر واداريها واهديها واسلم على يدها زي ماطلب مني زوجي ومافيها فايده كلمت اهلي في الموضوع وعرضو عليه شقه في نفس عماره اهلي وببلاش راح شاور امه كعادته وقال لايمكن المهم ولدت وحماتي ماجاتني وان قبل ماولد زرتها ومابينا شئ وكانت تهددني اذا ماتسمعي كل كلمه اقولها في غيرك وزوجي حاول ياخد ابني ويوديه لامه نفس اليوم الي خرجت فيه وسارت بينه بين ابوي مشاكل ماتاخد الولد والبنت بعمليه تعبانه المهم بعد النفاس ارسل ورقه من الحكمه لبيت الطاعه وفي شغله انه اخد كل عفش البيت وانا في المستشفى وحوله لبيت امه المهم انقهرت منه وقلت ماكلمني طول النفاس ولاسال عني حاولت اتصل عليه خفت منه يعصب ويطلقني لاني بموت في زوجي ومر اربعه اشهر لااتصل ولاكلمني وانا خايفه مايسمعني لاني قلتله اسكن عند امك بشروطي قالي مافي شروط ولما جا رمضان اتصلت عليه الا وهو يقولي نتي مالك مكان في قلبي جاتني حاله هستيريا وصرت زي الجنونه ورحت عند دكتوره نفسيه اعطتني حبوب مهدئه وكلمني خالي انه حيتدخل ويقوله البنت ماقالت شئ طلباتك حتنفذ ولما قله صلح ووافق انه يسولي شروطي فرحت وجهزت شنطي الا ويقويه بصراحه انا ملكت
على وحده المهم خالي حاول قاله تجي بنتكم وهي معززه مع الزوجه الجديده طبعا مع ناس مشكلجيه المهم ورحت لبيتهم وقعدت اترجاه وقوله مستعده اسير لامك اي حاجه بس لاتفضحني في وسط الناس يقولو عروسه والده ويتزوج زوجها عليها رفض وجلست امه تعايرني وتقوله اصحك تصدق هادي تكذب حتى الوحام حقها كان كذب عارفه انو عنده زوجه ولا لا آه ثم آه فرقو بني وبين زوجي المهم وكلمته مره ثانيه اتحيل عليه سيبها ومالك الا الي يرضيك رفض المهم بدات ترجعلي الحاله النفسيه وصرت اقول هادي وحده خرابه بيوت فصرخ علي وقلي كلام عمري ماسمعته منه قالي هادي زوجتي وانتي ماتسوي ظفر رجلها وعايرني ببقع الحمل بكلمه كبيره روحي يام عيوب استغفر الله وتزوجها وانا بيني وبين الجنون شعره ولما بعد ماسارت دخلته ظربني ابويا مرتين مره في السياره قدام الناس ومره في البيت علشان جبت اسمه وعشت بين عذاب المعامله والالم وبدات ابني نفسي وكياني والتجات للي ماتنام عينه خالقي حتى تغيرت شخصيتي وجاني زوجي بعد عشره اشهرمن زواجه وطلب من ابويا انه يقابلني وكان مومرتاح معاها لاني ماامدح نفسي ولكن معارفهم قالولي الحقيقه اني اجمل منها بكثير لانها من اصل افريقي وامها وامه هم الي خططو لهذا الزواج وشرطت امها عليه انه يطلقني ولي اربع سنوات ونص وانا معلقه كل مارسلت احد يصلح بينا يوافق وبعد يومين يردد جملته المأثوره عند امي ولاالمحكمه والعام الماضي اتصلت زوجته علي وقلتلي قولي لي عنه معلومات وتمدحلي تصدقي احنا فرحانين ومبسوطين روحي لحالك احسن خفت منها وكان جهاز التسجيل في نفس التلفون وقلت فرصه زي ماخربت علي وقلتلها لو عرف قالت خليه يعرف واتصلت عليه وسمعته صوتها وقلتله شوفت هادي الي انا ماساوي ظفرها ارسلت لي من جواله رسائل قتاله تشرح فيها الحب والغرام وكلام كبير بينها وبينه وفي اخر الرساله ترى هو جالس جنبي وعارف ومابغى اتصل عليك من جوالي انقهرت قلت كيف يتشرط وهي لا وقعدت ابكي لانها هي الي اتصلت علي وماسابتني في حالي اهلها كل ساعه يدقو وكانت قبل ماتدق تجي اتصالات من ناس مجهولين وبعدها بيومين اتصل زوجي زي المجنون يتوعد علي وقاله في ناس يدقو علي ورجال باسمي انا وانهم من طرفي تخيلو خوفي في محله قاله ابويا ان كنت رجال طلع ارقمهم وهات اوريك مين هم وبطلت اذيه وبعد ماكتشف كلم ابويا نه يرجع لي وبعدين غير رايه على هالحال كل مابغى يرجع لي يغير رايه ولي اربع سنوات ونصف في المحكمه قضيتي معلقه وانا معلقه صدقوني احب زوج ونفسي ير جع ويتلم شملنا لان ولدي مايعرف كلمه بابا والثانيه خلفت ولد وبنت وشكرا سامحوني طولت عليكم قولولي ايش اسوي مافيه فايده انا اتعذب ماتصور حياتي من دونه ولما افتكر عمايله معايا مااطيقه ادعولي بانه يفرج همي لاني تعبت من الانتظار وتعليق الاعداء وشماتتهم كوم تاني لانه ابويا يدعي علي بالموت علشان يرتاح من المشاكل مالي بعد الله غير زوجي حتى ابويا له يومين يقولي تعبتينا . وسامحوني حتى انتو تعبتكم بمشكلتي .