اليوم يومي غييييير :)

كيفكم بنااات حياااكم حياااكم اتفضلو ❗

انتو الداخلين و انا الخارجه

الموووهيم اليوم باحكيكم حكايتي مع منتدى الفراشه و مع قسم المتاخرات في الحمل باللتحديد

هادا يا جماعه يا كرام انا اتزوجت قبل سنه و 4 شهور تقريبا

مرت اول 4 شهور عليا و مافي حمل و كالعاده و ما اعرف ليش الحريم يبغو الوحده تتزوج و تحمل من ليلتها ولا تنزلها دورة

و شي تاني انو في بنات اتزوجو و بعدي و ماشاءلله حملو فالكل اعتبرني متاخره مع اني لسه عروسه 😥

وبس بدأت ادخل القسم

و صراحه شفات اشياااء عجيبه و بنات مافي منهم

مع بعض و يشجعو بعض على الاستغفار و سورة البقره

يفرحو لبعض و يبكو مع بعض 😆 🙄

و بدأت ادخل معاهم و اطبق و احاول

و في هداك الشهر زوجي جاني و قلي ابغى اعتكف

طبعا قلبتها في راسي كتير مو عشان شي بس الصراحه لاننا وسط دراسه و الفترة اللي كان بيعتكف فيها كان عند اهلي عزيمة كبيره

فقلت ايش يقولو الناس لمن ما يشوفو زوجي في اول عزيمه يسووها اهلي

و في الجهه الثانيه زوجي دائما مشغول و قدر يوفر دا الوقت و يبغى يعتكف

فقلت يا بنت خليه يعتكف واللي فيها فيها لا اهلي ولا كلام الناس حينفعوه بعدي

و صلني عند اهلي و جا خارج رحت ناديته قلتله يا فلان بس ابغى اطلبك طلب

قال أمر

قلت بس ادعي انو ربي ييسر حملي

قال الله يكتب اللي فيه الخير

و بس يوم العزيمه و بعد ما خلصنا و احنا راجعين <<< الزبده

🙂 قلت لاخوي وقف عند الصيدليه و نزلت و اشتريت تحليل حمل لان الدوره اتاخرت يومين

و ابداً ما اتوقعت حمل << اجل ليش اشتريتي الجهاز

بس والله عواقه كدااا عندي فلوس و ابغى اضيعها

رجعنا البيت نمت و اذن الفجر و ماما الله يطول في عمرها عودتنا اول ما يادن نقوم نصلي و بعدين نرجع ننام عشان ما ناخر الصلاه

قمت سويت التحليل و اتوضيت و صليت و انا في الصلاه دعيت يااارب يكون حمل

و دعيت و دعيت خلصت صلاتي و رحت شفت النتيجه و كانت

حااااااااامل 😆 🙄

و اروووح و ادخل غرفه ماما و بابا و من غير اذن و اقولهم حااامل خخخخخخخ ماما مسكينه نطت من السرير و حضنتني و باركتلي

و تاني يوم رجت بيتي و فاجأت زوجي بالخبر و الحمد لله 😆 🙄

الموووهيم مررت 6 شهووور و نص و انا كل يوم تزيد فرحتي لمن احس بحركة بنتي

و ضرباتها في بطني و بدات اسويلها فساتين بالصوف و اعد الايام اللي توصل فيها 😳

فجأة حسيت بالام و مغص و قلت يا بنت عادي

و كل شويه يزيزد الالم و ورى بعض كل 5 دقايق

جلس زوجي و قرأ على بطني

و خرج يصلي المغرب و قالي انو حيروح من المسجد على بيت عمو لاننا كنا حنسافر بعدها باسبوع و فرصتو عشان يقابل كل اعمامو

قلت اوك نو بروبرلم

قلي لو حصل شي اديني رنه

و خرج من هنا و اروح اتوضى عشان اصلي و ربي الم ورى بعض مني قادرة لا اركع ولا اسجد

خلصت صلاتي بالقوه و دقيت عليه و انا ابكي مو قااادرة اتحمل

و جاني صوت << ان الهاتف الذي طلبته …. الخ

وقتها تمنيت انزل و اذبح زوجي 💡

ومني قادره اجلس الم مو طبيعي رحت و غيرت ملابس و لبست عبايتي و ادق تاني

و اول ما رد ما قدرت اتكلم جلست ابكي و اقوله الحقني

و رحت عند باب الشقه و فتحته و القاه وصل و اول ما شافني انفجع و جهي وخطوف و حالتي حاله

بسرعه نادى امه لبست و رحنا على اقرب مستشفى و انا خلااااااص وصلت لمرحلة الصراخ و الرجال سار يقطع اشارت

و وصلنا اول مستشفى و تاني مستشفى و تالت مستشفى و كللها مستشفيات خاصه و حسبي الله عليهم محد استقبلني اول ما يعرفو اني 6 شهور و نص من الباب يردوني

رحنا رابع مستشفى و قيدها مويه الجنين انفكت و عدمت سيارة اخو زوجي هع

دخلوني و بس جلست في المستشفى يومين و خرجت

بس خرجت من غير بيبي لان بنتي ماتت في بطني

لمن قلت المويه حولها و الحمد لله على كل حال الله يعوضنا

وطبعا دخلت فترة النفاس و المعاناه مع حليب الصدر و حالتي سارت حاله

😥 😥

10 ايام و ركبنا الطياره و سافرنا على امريكا بحكم دراسة زوجي و مسكين اجل السفره كم يوم عشاني

و لنا هنا في امريكا 4 شهور قبل اسبوع رجعت ادخل قسم المتاخرات

و رجعت اتابع معاهم استغفر و اقرأ سورة البقره و مريم

و احث زوجي انو يروح جمعات المسجد القريب مننا و ندعي مع بعض

و اليووووووووووم اشتريت اختبار الحمل

برضووو عبط خخخخخ لان دورتي اتاخرت يومين و لانها من بعد ما خلصت نفاس و هيا متلخبطه

و نام زوجي و رحت سويت الاختبار و اطالع

خطيييييييييييييييييين:D

و اجري انط على السرير و اصحي زوجي

واوريه و اقوله خطييييين

وهو مسكين ناايم يقولي هاااا
بعدين قلت له حااااامل

و بث

و قلت اول ناااس حيعرفو هما البنات اللي في القسم لانهم دااايما وجه خير عليااا

و يمكن وحده منهم دعت لنا و ربنا استجاب 😥

و الله يرزق كل محرووومه و يعجل حملها و يخليها تجيب بدل الواااحد دراااازن 😳