عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات ودي افضفض لكم
انا اخذت كلوميد وابرة تفجيريه وطبعا البويضات ممتازة واليوم لي 14 يوم من اخذت الابرة طبعا الاسبوع الي فات كانت مرتفعة حرارتي وتعبانة وانااااااام كثير وبس تعبانة ومرهقة وبي خمول ومن 3ايام احس بمغص الدورة يشتد علي اخر الليل والم بصدري المهم قلت خلاص هذي اعراض الحمل واكلم زوجي ويجيب لي تحليل منزلي بعد صلاة العشاء والله العظيم اني تندمت اني حللت بصراحة انصدمت لان النتيجة كالعادة سلبي واحاول اكابر وابين لزوجي ان الموضوع عادي ومو مشكلة وطلعت انا لأخت زوجي وهو طلع ولما رجعنا للبيت الساعة 11 فتحنا موضوع الوظايف والخدمة المدنية وانا قلت لة اني قاعدة بالبيت ومليت من القعدة ماعندي وظيفة ولا طفل يسليني وقلت له لو عندي طفل ماأبي اتوظف ولا اطلع من البيت وقلت لة خلنا نسوي اطفال انابيب ….. عاد قال لي انتي من حللتي اليوم ضرب مخك وقمتي تخربطين انا هنا خلاص انفجرت بالبكااااء قدامة والله العظيم تعبت تعبت احس راسي بينفجر وصارت تجيني افكار اني اتطلق وارتاح احسن من المعاناة وعشانة بعد يمكن ربي يرزقة باأطفال من غيري احس نفسيتي كل مالها تزيد انحطاط
