عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام للفراشات الحلوات
انا سالفتي سالفه كنت دايم مستعجله على الولاده اقول متى اولد
وقطعت نفسي بالمشي واكل حبوب الحديد والكالسيوم واحسن اني برجع منهم
كله علشان مين علشان النونو الحلو
تصدقون اني بغيت اموت بالولاده على بالي سهله
تخيلو جاني طلق الله لا يوريكم حامي مره قعدت اصارخ من الالم والدكتوره تقول توك فاتح خمسه
الله لا يوريكم اللي شفته الصراحه عذاب بعذاب
بعد الالم والصراخ دخلوني الولاده على ثمانيه سانتي
المهم ماقصرت الدكتوره فيني شرحتني لم قالت بس
بسمله عليه وليدي طلع راسه كبير اللى كله كبير قالو اربعه
الله ياخذهم كنت احب يد الدكتوره اقوله ابي قيصري
كنت راح اموت من الالم
اهم شي ولدت على خير ودوني للغرفه وطلبت اني ابدل ملابس وبعده رحت للحمال احس في شي راح ينزل
تخيلوا والله كأنك صابه سطل مليان دم هذا اللي نزل مني حتى صوت ارتطامه بالمرحاض لسى فاكرته
على طول رجعوني للسرير ونادو الدكتور وجت تركض وتحاول انه توقف الدم باي طريقه وما نفع وبديت افقد الوعي وعلطول دخلوني عمليه تناضيف يعنو فكو الخياطه مره ثانيه
والله يابنات انه من قوة البنج حسيت انه كمتني وخنقني وحسيت ان روحي راح تطلع وانا اتشهد واوكل ابني لربي اللي مافرحت فيه (والله كل ما اتذكر ابكي)
ونزل دمي لــ أربعه وعطوني دم وخلوني تحت الملاحظه يومين
تخيلو لي ثلاث ايام وانا ممنوعه من الزياره وماشفت ابني الا حزت الولاده والله اني ابكي حرقه على حالي وحال ابني
بس ياربي لك الحمد ربي رحمني وخلاني عايشه والله انه يسوى الدنياء ومافيها
تخيلو ان الدكاتره اللى بالمستشفى يقلون انتي عشتي بمعجزه الحين ترين انكتب لك حياه جديده
الحمد لله رديت للبيت وشفت ولدي غسل كل احزاني
بس ماقدرت ارضعه مافي حليب وعلى فكره كان ينزل معاي كم خفيف على عشر ايام وقف
شفت اللي مريت فيه مايقارن مع اللي جاني بعده تبوني اكمل ولا مليتو مني
