عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ضاقت وقلنا ما تضيق الوسيعه * ضاقت وقلنا الله هو ميسر الحال
ضاقت بوجه اللي يدور ربيعه * ويا شينها اليا ضاقت بوجه رجال
انا ما اقول اني كرهت الطبيعه * لكن ماهي دايم على كل حال
والله يالولا العز نقدر نبيعه * كان اليدين القفر دبت بالاموال
لكن تبي تبقى الرفيعه رفيعه * عمر المذله ما انجبت عز ورجال
ابوي قال اقرا كتاب الشريعه * تلقى تفاصيل(ن) بها اقوال وافعال
وليا قريته اطلب اللي نطيعه * انه يسهل دربك اقفاي وقبال
يالله يا والي ا النفوس الوديعه * انك تعدل ميله الوقت لا مال
هذا طفل توه على اول ربيعه * توه صغير وعايش بجيل جهال
لكن طفل تستغربه من صنيعه * الوقت نساه الطفوله والاطفال
مالك بطول الهرج بس الفجيعه * اللي تقفو ا دربه رخوم وانذال
لا ما حسبنا للنفوس الوضيعه * ولا تركنها على حساب الاقوال
ويا وجد قلب(ن) درعم الشوق ر يعه * على هنوف تو ما حطت الشال
الناس تزهمها مطيعه مطيعه * وانا عجزت القى على البنت مدخال
ماادري ولكن ما قدرت استطيعه * اني عرفت ان اعقل القوم دجال
هذا ابو بكره وذا بو تبيعه * والله عليم بالنوايا والاعمال
وانا ليا ضاقت على الوسيعه * ما اقول غير الله هو ميسر الحال
اما تجي ونقول عقب القطيعه * زان المكان بفال من طيب الفال
ولا تموت وينكتب للشجيعه * ماتت على رجم الامل روح رجال
ماتت على رجم الامل روح رجال
ماتت على رجم الامل روح رجال
اتمنى تعجبكم مثل ما اعجبتني
