عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلااااام
طبعا ولله الحمد سمحوا للسعوديين يدخلوا مدارس انترناشونال ابتداء من هدي السنه من غير ماياخدوا تصريح من الوزاره وانا ناويه ادخل بنتي انترناشونال هي الان عمرها سنه و8شهور فعلى السنه الجايه بتكون سنتين وشويه فبتدخل pre-KG
يقولوا بس سمحوا للسعوديين يدخلو pre-kg و kg-1 و kg-2
ماادري لو ده صح ولا لا — اتمنى يكون للثانوي
المهم:
ايش رايكم بمدرسه ثامر العالميه ومدرسه الفيصل ومدرسه ريف جده العالميه ومدرسه السفراء؟؟
ياريت اللي تعرفهم تقول لي رايها فيهم؟؟ من ناحيه المصاريف وهل هي شامله الكتب و اليونيفورم والمواصلات ولا لا؟؟
وكيف اختبار القبول بيكون لوحده بعمر بنتي ؟؟
اللي اعرفه انه لازم يختبروا الطفل قبل مايقبلوه وانهم مايقبلوا اي طفل وانه اطفال كتييير مايتقبلوا ولو الطفل اتقبل ومامشي حاله يطلعوه من المدرسه
في مصر مدارس الانترناشونال بتعمل اختبار للام للانجليزي كمان فهل في السعوديه كمان كده
في وحده اعرفها بمصر تقول عملوا لها اختبار انجليزي
هو طبعا لازم الام او الاب يتكلم اللغه بطلاقه عشان الطفل ينقبل بالانترناشونال
انا الحمد للله اعرف انجليزي كويس فمافي خوف من دي الناحيه عندي
ياريت اللي يعرفوا مدارس انترناشونال ممتازه وتقبل سعوديين يعرفوني بيها وياريت تكون بالمواصفات التاليه:
1- رسومها معتدله
2-المدرسات غير هنديات وباكستانيات لانهم يعلموا الطفل الاكسنت غلط
3- المبنى غير قديم
4-مرخصة من وزاره التعليم السعودي لان لو غير معترف بيها من الوزاره فالطالب المحول داخليا لمدارس معترف بها من الوزاره فلن يقبل
5- يكون لها الترخيص العالمي من السيتا الامريكية أو مؤسسة دولية عالمية بريطانية لان لو مافي فالمدرسة لن تستمر طويلا وغالبا شهاداتها لن يعترف بها عالميا
6- المنهج يكون بريطاني افضل
7- ياريت لو تكون المدرسه قريبه من حي الوزيريه
استناكوا وبلييز اللي تكتب اسم مدرسه تقول عنوانها ورقمهم ورسومهم وكل شي تعرفه عن المدرسه
والمدرسات ايش جنسياتهم
