عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركااته
اخواتي المتابعات لموضوعي اللي امس منزلته
http://satfrequencies.com/girls/alfrasha12/thread1528874/
حاابه اقولكم اخر التطورات وابغى منكم تدلوني ايش اعمل؟؟
البارح جاء واول مادخل حاول يمزح معاي وانا ماني قادره ارفع عيني واشوفه
وسالني وشفيك يه زعلانه قلتله روح غرفة النوم الحين بجيك ونتكلم
وجيت وقلتله عارف الموضوع اللي ابغاك فيه صح؟؟
قلي لا والله اش فيه؟؟
وبدئت اتكلم معاه وزعل وعصب وقالي انتي تحبين تفتشين ورايه
من اليوم ورايح جوالي ماتلمسينه بيدك
قلتله خلينا من القرارات من اليوم ورايح وغيرها
انا اسالك الجوال لمين ؟؟ وليه مدخل بجوالك شريحة موبايلي
وايش برنامج الدردشه اللي بجوالك>>سالت عنه بالنت وطلع دردشه
قالي يعني انتي اللي مسحتيه الاسبوع اللي راح قلتله ما دريت عنه الا اليوم
وع طول دخلت ع النت وسالت وعرفت انه دردشه قالي صح دردشه لكن والله مالي علاقه مع احد
اللهم انها سوالف ومحشات وبس وقلتله فيها محادثات خااصه صح؟
قالي فيه قلتله احلف انك مادخلتها قالي مابحلف لاني دخلتها صح
لكن وربي ما اعطيت رقمي احد او تعرفت على احد بشكل خاص وانا اسولف مع الكل
وانا احب ادردش واسولف وانتي ماتخليني اخذ راحتي ع الاب توب
وبالنسبه للجوال مهولي لاخويه وبرجعه له اذا يرضيك هذا الشي
والشريحه اللي دخلتها جوالي لواحد من اصحابي مهي لي
وربي اللي خلقني وخلقك مالي علاقه في احد وانتي الوحيده بحياتي
طبعآ ماتكلم واعترف بسهوله لاني جلست اتكلم وابكي من قلببببي
وفهمته اني كنت اشوفه كل شي بحياتي وانه جرحني جرح ما اتوقع انه بسهوله يبرى
وكان ساااااااااااااااااااااكت مايرد
وقلتله ان الاسبوع الجاي ذكرى زواجنا الثاني واني ذليت نفسي للي يسوى واللي مايسوى
عشان يساعدوني اشتري اغراض واجهز حفله ما ينساها عشان اعوضه عن السنه اللي راحت
لاني ماسويت شي وقلتله اتذكر كلامك وافتح رسايلك واقول كذاب وخاااااااااااااااين ليه يقولي كذا
والكلام مهو من قلبه وقلت كلام كثيييييييييييييييييييير
وبعدها بدء يتكلم بس حسيت فيه ندمان وبعدها خلاص وعدني وحلفلي يرجع الجوال لاخوه
وانه يدخل الدردشه بس مايسولف مع البنات في الخاص
>بس قهرني يقولي مايقدر يبعد عن السوالف والوناسه اللي فيها
بس اللي عليه ني حلفته بربي انه مايسولف مع البنات وقلتله البنت اللي تسولف معك
خانت ربها وخانت اهلها وانت سويت نفس الشي وقالي وربي مافي بنت ولاشي
اسولف مع الكل وبس
عاد هو نام وانا طوووووووووولت ماقدرت انام بسهوله وصحي الحين ي الصباح للدوام
وماقومني طبعآ انا صاحيه لكن ماقمت
وخليته لين دخل ياخذ شاور قمت وجهزتله الفطور واعطيته وحصنته>متعوده قلبي ماطاوعني اخليه
يطلع بدون ما احصنه
وهو طالع باسني وعيوني امتلت دموع
وقلتله الله يوفقك وخرج ووصل الدوام وارسلي ثلاث رسايل
وفي مامعناها اني الوحيده بدنيته ومن هذا الكلام..
والله حالتي النفسيه عدم وحتى الفطور ماني قادره افطر اكلت شوي
عشان ارحم اللي بطني والله احس حركة البيبي زااااااااااااااايده مجوعته من البارح
والصداااع ذبحني ما اقول غير الله يهديه ويسامحه..
اللي ابغاه منكم ايش اسووي
ارسله اطنش كيف اتعامل معاه اذا رجع من الدوام
مع العلم ان عمرنا ماتزعلنا او نمنا واحد في قلبه شي
او انه طلع من البيت وانا زعلانه او هو زعلان..
اتمنى منكم نصحي وارشاااااااااااااااادي..
