عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعا انا شايفه الضجه اللي مسوينها على كريم الفراوله بس انا مو مقتنعه فيه ماادري ليش المهم
اليوم كنت في معرض رمضان للمنتجات الاستهلاكيه اللي في حراء ..
وطبعا فيه محلات تبع البشره تبيع الكريمات والصوابين واشياء البشره والعنايه
كنت ابغى منهم ملح الحليب لقيته بخمسه ريال مو زي برا في منهم يبيعوه بعشره ريال
ولقيت قشطة الاميرات وصابونته طبعا هذا الكريم المتخلف اللي سوا ضجه قبل فتره وسعره بـ 150 ريال
انا ما بقولكم عليه عشان تروحو تشتروه انا بقولكم عشان لا يضحكو عليكم بعض اللي يبيعو هنا في المنتدى باسعار خياليه
وطبعا كل الصوابين موجوده بانواعها ورخيصه يمكن بخمسه ريال وعشره ريال لانه في ناس وعطارين يبيعوها ب15 و 20 استغفر الله …
ولقيت كمان كريم الزنجبيل تبع التنحيف وفيه كمان كريم الزنجبيل بالجريب فروت
واسعارهم 60 ريال و 90 ريال
بس حبيت انبه البنات للاسعار واللي تبغى كريم الفراوله راح تلاقيه في اي مكان لانه ترا انتشر في الفتره هذي
ممكن تلاقيه في اي محل تجميل وبسعر رخيص ما يحتاج يوصل للـ 100ريال يعني انا لو كنت ابغى اشتريه كان ممكن اكلم البياع واخليه بـ 40 ريال ..
وشكرااا للجميع ….
