عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يافراشات
ان شاءالله يارب تنحل كل مشاكلكم واموركم وربي يفرج همومكم..
بنات انا في موضوع له كم شهر في بالي ونفسي اسأل عنه.. زي مو باين في العنوان
البنات اللي مايعرفوا اهاليهم .. اللي متربيين عند ناس ثانيين.. نفسي اعرف كيف وضعهم
لانه في كتير من اهلي اللي مايقدروا يخلفوا كدا جايبين بنات واولاد بيربوهم ..وطبعا اللي خلت اختها
ترضعهم او اخت زوجها او اي احد من العائلة عشان يصير في قرابة بالرضاعة
بس ماادري نفسي اعرف لما يكبرو كيف يكون وضعهم؟
متى يعرفوا انهم مو امهم وابوهم الحقيقين؟
كيف احساسهم لمايعرفوا؟
في اشياء كتيرة فبالي نفسي اعرفها .. نفسي احد يحكيلي عنهم
او وحدة تحكي عن نفسها..
انا لما اسمع بعض الحكايات انه بنات بعد ماكبرو عرفوا انهم مو من العائلة.. تجيهم حالات نفسية ويعصبوا ويزعلو
خاصة اذا كانوا……….
وهذا اصلا مو ذنبهم ولا لهم يد فيه ولا يتحاسبو عليه
والله احزن عليهم
