عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح / مساء الخير
لأحلى فراشات
انا عندي موضوع وما احب اقول مشكله
انا انسانه احب اللي حولي بدرجه كبيره
واعطي بجنون وما انتظر انو احد يرد بمثل اللي اعطيه
لدرجه انو انا بشلتي اسمي الام الحنون
وحتى لما يقدموني لوحده جديده يقولو هذي امنا
كل صغيره وكبيره انا لازم اكون فيها بالشله
اسرار صاحباتي – همومهم وكل شي لهم
لدرجه انهم يسوو المشاكل لانهم يدرو اني بحلها لهم
معتمدين علي اعتماد كلي بكل امورهم سواء بالكليه او بحياتهم
وانا بدوري عمري ما تضايقت من هذا الشي
بالعكس دايم احاول اني اخليهم مرتاحين
حتى لما نبعد انا اكثر وحده تسأل وتطمن
بس كثر ما تعطين تحتاجي انو الانسان اللي معك يعطيك
وصاحباتي مو كذا
لاني عودتهم حتى وانا زعلانه اسأل عنهم
واقوم بواجبي على اكمل وجه
حتى وان جرحوني
معاناتي الآن بعد ما خلصنا الكليه ونقلت من المدينه اللي كنت فيها
انهم ما زالو متعودين على سؤالي
وان غبت وطولت مستحيل الوحده تسأل عني
واذا اتصلت
تغدو فيني قبل ما اتعشي
وصارو يعاتبوني على غيبتي
ولما اعاتب الوحده واقول طولت عنك ابيك تسألي عني
احس من كلامها انو مو من حقي اني اسوي كذا
والكل احسه يقول لي انت عودتينا انو انتي اللي يسأل
وانتي اللي تسوي كل شي بنفسك
= صراحه انا اعترف بخطأي لاني عودتهم اشيل كل شي عنهم
حتى هم سؤالهم عني انا اللي كنت اقوم فيه واطمنهم عن حالي
انا الحين متضايقة وابي حل
ابيكم تقولون هل انا غلطانه لما كنت اعطي بلا حدود؟؟؟
هل مالي حق اني اعاتبهم واطلبهم يسألو علي ؟؟؟
وانا كان قلبي كان لهم بمثابة الام – هذا لا يعني اني لا احتاج الي قلب مثل قلبي
اتمنى ان يكون موضوع للنقاش – وارى آرائكم
ولكم خالص محبتي
