عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أخواتي الحبيبات .. أخباركم؟؟ اليوم جايبه لكم فكره وإن شاء الله تعجبكم وتستفيدون منها ..
وهي لمحبات الأشغال اليدوية عبارة عن بازار تقدرين إنت بنفسك تسوينه .. طيب كيف؟؟
اتفقي مع مجموعة من صديقاتك أو قريباتكم والأفضل يكون عددكم 10 وكل وحده تدفع 250 ريال آجار طاولة للبازار لأن أجاره بـ2500 في غرناطة أو اي مركز عام أو معهد .. الحين ضمنتوا الموقع باقي الشغل .. الأشغال فكرتها جدا بسيطه أهم شي يكون عندك موهبة وحس فني يخليك تقدرين تسوين أشياء حلوه مثل: ايشاربات بقماش الحرير وتصبغين عليها وهذي جدا راااااااااااائعه واللي تبي تعرف طريقتها تراسلني عالخاص وانا مستعده أعلمها الطريقه ..
أو محافظ جوال أو شنط أو ابواك أو جزم الله يكرمكم او اساور بالجلد ونفس الشي طريقته سهله ..
ميداليات وتعليقات شنط وجوال وسلاسل بالمعدن فكرتها حلوه وغريبه ..
تيشرتات مصبوغه بألوان فسفوريه وهذي سوقها ماشي بقووووووووووووه ..
وفي أشيااااااااااااء كثيره مره وكل وحده وقدرتها عالإبداع.. اتفقي انت ومجموعتك إن كل وحده تسوي أكبرقدر ممكن من هالأشياء بعدين لاخلصتوا سعروها واحرصوا في تسعيركم إنكم تجيبون آجار الطاولة وربح زيادة تقسمونه بينكم ..
أتمنى إني أكون أفدتكم .. وأي استفسار عن كيفية عمل هالأشياء أنا جاهزه راسلوني عالخاص واعلمكم بس رجاء اللي حابه تستفيد تراسلني واللي ماخذه الموضوع مجرد تسليه ياليت ماتحاول تزعجني لأني حطيت الموضوع للفائدة ..
دمتم بكل ود .. والله يرزق الجميع ويفتح لهم أبواب رزقه ..
