اللي صار لي بمستشفى حكومي بالرياض القصه لي انا فكر راقي

.

.

.

.

.

.

السلام عليكم

بحكي لكم عن شي قهرني كثييييررر مرره مرره

وانتم احكموا وقولوا رايكم طبعا القصه هذي مو منقوله وحصلت لي انا شخصياً

انا يا بنات طالبه بجامعة الملك سعود بالرياض ومن كم يوم امي تنومت في مستشفى الملك خالد الجامعي >> دعواتكم لامي بالشفاء تراها باقي مريضه وعلى حالها 😆 🙂

طبعا المستشفى هذا تابع لجامعة الملك سعود حكومي طبعا ويسمح لطلاب الجامعه فتح الملف بس لازم يكون معه اثبات انه طالب بالجامعه ( بطاقته الجامعيه )

عاد قلت بستغل الفرصه واروح افتح ملف لي ولييييييييييتني مارحت

طبعا هالمره اول مره اتعامل مع مستشفى حكومي دايم اتعالج بالمستوصفات واذا شي قوي اروح مستشفى المشاري

رحت لقسم فتح الملفات لين اللي على الاستقبال رجال مطوع قلت له ابي افتح ملف

تدرون ايش قالي ؟!

قالي ليه ؟!

ايش السؤال الغبي هذا

مواطن ومن حقه يفتح ملف بمستشفى حكومي 😀

قلت له عشان اتعالج ليه يعني ؟! 😈

الا نفسه خاست علي شوي ويذبحني قالي معك تحويل

قلت له لا بس انا طالبه بجامعة الملك سعود

قالي معك اثبات

وطلعت له بطاقتي الاحوال والبطاقه الجامعيه وجلس يقارن بينهم بعدين عطاني ورقه

قالي عبيها وانزلي تحت للمدير وهو اذا شاف ان الحاله تستدعي تفتحين ملف او لا 😳

بقولكم بنات انا فتحت الملف ليه بس صراحه علاج الاسنان غالي وانا فيني اكزيما وبرضو علاجها غالي

من حقي افتح ملف

بس قهرووووووووووووووني مره

قلت له طيب

اخذت الورقه وعبيتها ونزلت تحت للمدير

ودخلت على السكرتير حقه

الا اسمع صوت حرمه تهاوش من المكتب اللي داخل

قالي خير يااختي قلت له ابي افتح ملف قالي ليه ؟!

قهروووووووني ايش دخلكم ليه مرررررره تنرفزت

قلت له انا طالبه بالجامعه ومن حقي افتح ملف كل من قلت له بفتح ملف قال ليه

وبعدين معكم اصلا حتى لو ماكنت طالبه بس لاني مواطنه ينفتح لي الملف 😎

قالي خلاص يا اختي ادخلي ع المدير

رحت ودخلت لين في مكتب المدير حرمه تهاوش واسمعها تقوله لي خمس سنين ياقلبي عليها اللي فهمته انها مريضه بشي قوي الله يشافيها وتبي تفحت ملف عندهم وهم يقولون لازم تحويل

جيت للمدير ومديت له الاوراق والاثبات وقلت له افتح لي الملف

وبرضو نفس سؤالهم ليه 😛

وجاوبته نفس الجواب وفتح لي الملف

وتعبت وانا ادوج باسياب المستشفى الكبيييييييييييييييييرررر

قلت بروح اسوي لي موعد

ورحت لعيادة الجلديه وطلبت موعد وقالي الموظف اذا اول مره ما تقدرين تدخلين لين تشوفك الطبيبه العام وهي تحدد تستدعي تدخلين على الدكتوره او لا 😀

رحت للقسم النسائي تحت عند الطبيبه العامه وقلت بسوي موعد عندها

لكن حصلت الغرفه ملياااااااااااااااااااانه حريم يعملوا مواعيد واللي على الكونتر موظفه وحده بس 😆 idea:

وطلعت من الالقسم النسائي وعلى غرفة امي الله يشافيها وقررت ماعاد افكر اتعالج بالخياس هذا

عاد بقولكم

امي تتعالج بنفس المستشفى بس بفلوس تبع مركز الاعمال

وربي يابنات انها معاامله غيررررررررررررررررررررررررر

والموظفين اللي بالقسم الحكومي لما اجي اكلمهم الواحد يكلمني من طرف خشمه كنه من جيبه مو من جيب الحكومه

بس اردد حسبي الله وحده ونعم الوكيل

اللي قهرني بنفس اليوم

رحت اجيب لامي شوربه من المطعم اللي جنب المستشفى وانا واقفه

اسمه اثنين اجانب من جنسيه عربيه واحد يقول لصاحبه الثاني البلد هذي خلاص ماينفع فيها الشغل مفهاش فلوس 😛

حسبي الله ونعم الوكيل