اللي زوجها عدد حيواناته صفر وبتسوي حقن مجهري عند د. مازن تتفضل..

كيفكم ياااخوات ..ان شاءالله الجميع بصحه وعافيه
بقولكم حكايتي انا لي 10 سنوات متزوجه والله مارزقني لانو زوجي حيواناته صفر ولا مره حاول نتعالج الا هذي السنه راح لدكتور واعطاه علاج استمر عليه 3 شهور وحلل والنتيجه صفر واخذ خلطة العسل بس زوجي مو من النوع اللي يداوم على علاج المشكله انو يماطل ولا يسمع كلامي 10 سنوات وهو يؤجل الحين صار عمري 36 سنه وهو 39
اليوم كان موعد زوجي عند مازن بشاره وكان في مركز صحة المرأه انا سبق وسويت تحاليل شامله في المستشفى العسكري اخذتها معاي وشافها قال الحمدلله مافيني شي سليمه بس زوجي عنده الحيوانات المنويه صفر قال لزوجي لازم تروح عند دكتور مسالك بوليه وارسله على عبد العزيز باعظيم في المركز الطبي الدولي يقول ممتاز وراح يسويله الخزعه وراح تكلفه 4000 ريال تقريبا والعمليه كامله تقريبا 15 الف من غير العلاجات
انا تعبت يابنات من كثر التفكير والهم وزوجي احر ماعندي ابرد ماعنده يقول ماراح اسويها الحين بجمع المبلغ بعدين اسويها يابنات العمر يجري وانا على اعصابي
بسألكم خواتي
الدكتور كتبلي على حبوب الاسبيرين وحمض الفوليك وفالي خذيها بس انا كنت مرتبكه ماعرفت اسأله متى بالضبط استخدمها عادي يعني ممكن استخدمها الحين يعني مالها اضرار قال خذيها لغاية الشهر الثالث بس؟؟؟

ومن سمع عن الدكتور هل هو ممتاز فعلا والا لا والله اني متخوفه لانو لو مانجحت العمليه زوجي ماراح يسويها مره ثانيه ؟؟؟

ومتى المفروض يكون التلقيح لانو قال اراجعه 2 او 3 يوم الدوره؟؟؟؟

الله يجزاها خير اللي ترد ويناولها اللي تتمناه ويرزقها الذريه الصالحه عاجلا غير اجل
ردو علي يابنات لو بدعوه
ادعولي ان الله ييسر امورنا ويسخر لي زوجي ويرزقنا الذريه الصالحه
والله يابنات حالتي مايعلم فيها الا الله نفسي مسدوده عن كل شي ماابي اقابل احد ولا اروح لاي مكان حتى العيد ماودي اعيد ودي اجلس في بيتي
دعواتكم لي ربي يفرج همي