اللي جربت الولاده قيصري وطبيعي ابي نصيحتها ظرووووري

معليش بأطول عليكم شوي…
انا بكريه وهذا الحمل الرابع اللي الحمدلله ربي تممه لييا على خير…لاني
اجهظت 3 مرات قبله …اول اجهاظ كان عمر الجنين شهر
وثاني اجهاظ كان عمر الجنين4اشهر وسويت عملية تنظيف
وثالث اجهاظ كان قبل سنتين كان حمل خارج الرحم..حمل في الانبوب.. واستأصلولي الانبوب والحمدلله على كل حال
جلست اتعالج سنة ونص الا ان حملت عن طريق الانبوب الثاني..وهذا انا الحمدلله اللي عوضني خير …وتمملي هذا الحمل الله يتمه لييا على خير ويطلعه بالسلامه سليم معافا حسن الخلق والخلقه…

انا حاليا في الاسبوع35 يعني بعد يومين ادخل التاسع
او تقريبا دخلت مع لخبطة ايام الدوره…

المهم

راجعت في اكثر من مستشفى ..وحاليا اراجع في مستشفى الولاده في جده
وكمان اراجع في مستشفى الولاده في مكه .

الحمدلله الا الن كل شي سليم …الجنين بخير و..وضع الراس نزل اسفل والحمدلله…يعني بامكاني اولد طبيعي
لكن
في مواعيدي الاخيره الاسبوع الماضي في كلا المستشفيتين

كل الدكتورتين يخيرورني مابين الطبيعي او القيصري…

لانه مثل حالتي 4سنين زواج و3إجهاظات…تكون الام مخيره وتقدر تطلب عمليه لظمان سلامة الجنين بإذن الله .

😛
مشكلتي

اني مره محتاره لاني جربت العمليه لما فتحو بطني واستأصلولي الانبوب قبل سنتين وذقت الموت في ذيك العمليه ….قصدي في الالم اللي بعد العمليه اللي استمر 3اسابيع او اكثر
وغير كذا الجرح وكيف كنت اعاني واتألم لما اعطس ولما اكح او اشرق ..ولما اظحك…والحمدلله على كل حال…

اكيد في منكم مين جرب الحالتين (قيصري وطبيعي) ياليت تأيدون لي ايش افضل وايش تنصحوني به..

وايش ألمه اكثر من الثاني بالتفصيل

لانه الغالبيه يقولولي المفروض تفرحين انه بأمكانك تطلبي عمليه وماتذوقي وجع الولاده والطلق,,,,,,,,,,,,, 😆 🙂

ايش تبي احسن من انك تتنومي في موعد العمليه وماتصحين الا والبيبي جنبك ولا طلق ولا الم ولا غيره

وانا اقولهم مستحيل يكون في الم اكثر من اللي ذقته بعد العمليه 😐

والله واعلم

آسفه طولت عليكم ,,,,,,,,,,,,,,,,,,,الله يفرج هم كل وحده ترد علي ويحققلها مرادها
معايا فرصه هل اليومين استخير واقرر منشان لما اروح مواعيدي يكون عندي قرار

وانا ماأنسى انه لو ربي رايد لي اولد طبيعي بتتسهللي قبل موعد العمليه واولد طبيعي بارادة الله ……..انا اصلي واستخير الله حاليا …وبرضه لاتحرموني استشاراتكم