الله يوفق ويسعد ويحقق اماني اللي تدخل الموضوع وينصرهاعلى من ظلمهاوعاداهاويدخلهاالجنة

بســــــــــــم الله الرحمن الرحيــــــم
عن أبي ذر الغفاري رضي الله عنه ،

عن النبي صلى الله عليه وسلم

فيما يرويه عن ربِه عز وجل أنه قال :( يا عبادي إني حرمت الظلم على نفسي ،

وجعلته بينكم محرما فلا تظالموا ) رواه مسلم
قال رسول الله صلى الله عليه وسلم ( الظلم ظلمات يوم القيامه)صدق الرسول الكريم

بنات يشهد علي الله في صدقي بكل كلمه بقولها الله لا يوفقني ولا يرزقني ويسدها بوجهي من جميع ابوابه لو كذبت عليكم بحرف واحد

سألتكم بالله قبل 10 شهور احد فيكم سمع عن ابر السالوتا ولا بخاخ الجلوتاثيون انه يباع عندنا
بدأ الموضوع اني كنت ابغى شي لنفسي يبيض ويجيب نتيجه لما دورت لقيت بالسعوديه حبوب الدايموند الصيني والجلوتاثيون 500 وابر الروش الايطاليه قريت بالمواقع الطبيه ان ابر الروش ماتجيب نتيجه مع الكل وللي مايحصل منها نتيجه السالوتا اكيد راح تجيب ولاني مو انانيه وحبيت افيد كل البنات ومنها اتكسب قررت اجيبها ولظروف خاصه ماكنت اقدر اتابع الاتصالات بنفسي تعرفت على بائعه بالمنطقه الشرقيه واتفقنا هي تتابع الاتصالات وانا اجيب البضاعه والمكسب بالنص وكان الاتفاق نبيعها بــ2500 200 لها و100 ليا لانها قايلتلي ان ظروفها صعبه وفي يوم جات قالتلي ان الناس يبغون حبوب دوري حبوب قوتها 1000 وقالتلي على حبوب دكتور جيمس لما سألت المتعهد الطبيب اللي يأمنلي قالي ان حبوب كلير بلانش اللي قوتها 1500 مللي جرام هي الافضل وفعلا لما بحثت بالمواقع الاجنبيه لقيت انه فعلا هي الافضل وجبت الحبوب من الخارج
وبعدها اكتشفت انها تبيع الابر بـــ3000 الاف و2700 ريال ماواجهتها لاني استحيت احرجها ولمحت لها كثير وبيوم قالولي هي وزوجها ان في وحده من الزبونات اسمها امينه ام محمد من جده تاخذ مننا البضاعه وتبيعها على الناس بــ4000 و تقول ان ابر الفيتامين سي هديه من عندها كلموها وهددوها وقالولها لو تبغي تشتغلي تكوني مندوبه عندنا وبسعر احنا نحدده وقتها حسيت ان مافي فرق بين تصرفهم وتصرفها بالعكس هما اسوء منها واجهتهم باللي صار وكانت النتيجه اني اكتشفت انهم ناصبين علي كثير وفي بضايع مارسلوا فلوسها لاني وقتها ماكنت اراجع وراهم البنت كانت مسويه فيها صاحبتي ومتغطيه بستار الدين لعبت علي انها دارسه درسات اسلاميه هذا اللي خلاني اسلملها واثق فيها
بعدها قطعت علاقتي فيها وصدقوني انا كنت قادره اخذ حقي منها لكن احتسبتها عند ربي وجبت رقم واستقبلت الاتصلات اسبوعين بالصدفه دقت علي امينه ام محمد من جده وقلتلها هم قطعوا رزقك لكن انا بعطيك البضاعه بس لاترفعين الاسعار مره على الناس وبعدها اكتشف ان الناس يسألونها عن السبب اللي يخلي بضاعتها اغلى من بضاعتي تقول اني انا ابيع السالوتا بدون فيتامين سي وانها ناسخه مواضيعي ومجهودي الشخصي وتعبي في جميع المنتديات بالحرف وحاطه رقمها معليش تبي تترزق وبعتها عادي على قلبي زي العسل اما تنسخ مواضيعي وتعبي الشخصي هذا ظلم ومااقبله وغير كذا اسعارها نار
وجاتني وحده من جده قالتلي ان ظروفها صعبه وتبغى تمسك الاتصالات فمن حرصي وعشان مايحصلي زي ماحصلي اول شرطت عليها ان الشريحه تكون عندي وانا بس احولها المكالمات والتحويل المبالغ يكون على حسابي بعدين اكتشفت انها ترفع الاسعار وعشان تظمن اني مااكتشف تقولي كل العالم يبونها تسليم يد بيد وان هي اللي بتقابلهم وتعطيهم ويعطونها وفي يوم من الايام عشان ربي يكشفها غلطت واعطتني حساب بالراجحي وهي كاذبه علي ان حسابها في الاهلي وكمان اكشفت انها ماتوصل هدايا للناس
طبعا قطعت علاقتي فيها وقررت استقبل الاتصالات بنفسي
واكتشفت ايضا بالمنتدى ان في ناس محاربيني ويقولون كلام باطل عني وصل الموضوع للقذف بالدين حسبي الله ونعم الوكيل سعوديه من بلاد الحرمين ومولوده على التوحيد مسيحيه!!!
اللهم اني مظلوم فانتصر
المشاركة الأصلية كتبت بواسطة almalika2000
يبنات انتبهو هذي البنت نصابه كذبها كثيييير واكبر دليل مو هي الي ترد ع الجوال يعني هي مجرد مندوبه وتاخذ نسبه على حسب عدد الزباين وانا مقلت ها الكلام من فراغ واظنها شيعيه او مسيحيه لان هذي حركاتهم
حسبي الله ونعم الوكيل فيك يااختي الظلم ظلمات يوم القيامه من جد يابختي انظلمت يعني انتي ماتخافين الله الظلم كذا سهل عندك بعدين انتي متى اتصلتي وانا مارديت ياليت تعطيني رقمك عشان اعرف اتفاهم معاك وصدقيني ورب الكعبه والله الذي لا اله الا هو انا ماراح اسامحك على كلامك هذا لا دنيا ولا اخره وحسبنا الله ونعم الوكيل فيك

المشاركة الأصلية كتبت بواسطة almalika2000
ايش معنى الحين رديتي ليش متردي على رسايلي ع الخاص وهدا هو اسلوبكم مكشوفين تستخدمو اسم الله لترويج لبضاعتكم لكن حسبي الله فيك وفكل وحده نصابه اذا محتاجه قولي ونعطيك بس متلعبو بصحتنا وتستغلو طيبتنا وحسن نيتنا ..

شوفي يااختي انا احترمتك كثير وماغلطت عليك بشي ولا تعاملت معاك اصلا ولا خذيتي من عندي ماتبين تشترين محد جابرك بس لاتتبلين الناس اتقي الله الذي لا اله الا هو قبل اي كلمه تكتبينها واي رسالة خاص اللي انتي ارسلتيها ومارديت عليها اسم الله اكبر من اني استخدمه بترويج بضاعه واقسم بالله العظيم ان مااحترمتي نفسك لاني راح اشتكيك على ادارة المنتدى داخله موضوعي وتتهجمين وتسيئين لي وكمان تقوليلي مسحيه او شيعيه خافي الله الذي هو قادر على كل شيء ومسويه فيها انك تدعين علي انا وش سويتلك اصلا اذا انتي جايه تشككين في مصداقيتي اللي الحمدلله عمر مااحد من زبايني شكك فيها انا مااسمحلك تسئين لسمعتي وتتهجمين علي وتذكري قول الله تعالى مايلفظ من قول الا ولديه رقيب عتيد صدق الله العظيم اذا انتي انسانه مريضه وتتهمين الناس باانهم مسيح وشيعين ونصابين هذي ماهي مشكلتي مشكلتك وانا مو من طبعي ادعي على الناس لكن مااقول غير اللهم اني مظلوم فانتصر اللهم امين
واي صحه اللي لعبت فيها روحي اقرأي عن المنتجات زين ومكوناتها واتثقفي عمر محد اخذها مني واشتكى منها وبعدين اي طيبه اللي شفتها منك وانتي من دخلتي الموضوع وانتي تتهجمين وانا احترم واقدر مو ضعف لا والله الذي بعث محمد بالحق لكن صبرا على اذاك واحتسبتها عند الله اما توصل انك تتهميني اني مسيحيه وشيعيه لا هذا مااقبله اتبلي بكل شي الا الدين وخافي ربك واي حسن نيه اللي انتي تتكلمي عنها انا ماشفت منك غير سوء نيه وظن وتفسيرات واتهامات وقذف بالدين رجاء خاص الا مواضيع الدين احترمي نفسك واتقي الله قبل كل كلمه تكتبيها

😐 اهلين حبيبتي كل انسان يتعرض لظروف وانا مر علي ظرف طاريء ولكن الحمد لله الان متفرغه لو تتصلين تلقينه مفتوح 24 ساعه وشكرا لك 😎
…………….……………….
بنات الرزق ابوابه كثيره ماوقفت على الابر والحبوب وانا بصدد فتح محل بالرياض اولا ثم جده قولوا ماشاء الله لبيع منتجات تخص البشره من ابر وحبوب وكريمات وجار العمل على هذا المشروع
اللهم انصرني على كل من ظلمني وحسبي الله ونعم الوكيل حبيت يكون هذا الموضوع توضيح انا ماكنت بااتكلم بس لما شفت الموضوع زاد والظلم زاد والاساءه زادت قررت اكتب كل شي بصدق وامانه
وفي حفظ الرحمن