عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركات
اهلين اخواتي الفراشات كيفكم وكيف احوالكم
المهم يابنات انا مرتبطه بشخص ليه تقريبا شهرا معاه وهو شخص جدا جاد ورجال بكل ماتحمل الكلمه من معنى وطلب مني اني اتزوجه وانا وافقت لاني ماحلاقي انسان زيو بصراحه انسان مهزب وابن عيله ومستطيع نفسيا وماديا انو يفتح بيت ويكون اسره
المهم انو راح لأبوه علشان يكلمو في الموضوع وانو يبغى يتزوج اتخيلو ايش كانت ردة ابوه في هادى الموضوع
انو رفض زواجو بشده مو علشان معترض على علاقتنا قبل الزواج او علي لا اعترض بيقولو انك صغير ومو قد المسؤليه علما انو عمرو 26 سنه وطبيب وله راتب وانسان عاقل كمان وجلس المسكين كل يوم يكلمو ومايلاقي منو الا الرفض والغضب وكلم والدته وكانت جدا سعيده بالموضوع حتى اقترجت عليه انو اتعرف عليها وتشوفني
بس وابوه جدا رافض فكرة الزواج بشكل عام له وانا وهو بصراحه محتاجين اننا نتزوج ونكون اسره واعتقد انو الزواج من حق اي شاب وشابه اذا كانو مستعدين وجاهزين له وبصراحه يابنات انا مني عارفه ايش اسوي ولا هو كمان خايف من غضب ابوه وهادي اكيد حاجه انا كمان ماحرضاها وفي نفس الوقت نبغى نصون نفسنا بالزواج ونفتح حياة سعيده انا وهو
السؤال يابنات ايه رايكم في موقف ابوه؟
وكيف نقدر نقنع ابوه بالزواج؟
يابنات الله يرضى عليكم الي تدخل تردلي انشالله بكلمه
وأسالكم الدعاء لي وله لأننا بجد محتاجين الدعاء خاصتا في هادي الظروف
الله يسعدكم يابنات ومايوقف لوحده شر ابدا في طريقها ردو علي وواسوني
أسال الله لكم الحياة السعيده
عن rosejan
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …