عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي الغاليات انا تقدم لي شخص واستخرت الله من يوم بدأ الموضوع الى الحين لي شهر ونص تقريباً
المهم في وصلنا عنه معلومات وكلها طلعت كذب وافتراء ,,
وابوي سأل عن كل شيء وتأكد انه شخص مستقيم مايعيبه شيء بس عرف انه مريض بالصرع,, وتأكد من هالشيء,,
ولما قلي قلت انا اعرف هذا الشيءمن اول بس عادي الحمدلله ماحد يضمن صحته ,,
قال انا خايف عليك لأنك بتعيشين بعيده عنا اخاف يتعب وانتوا وحدكم ويقتلك او يشوهك وهو في غير وعيه ,,
بصراحه انا خفت وقلت خلاص اللي تشوفه واللي يريحك ,, قال انا برد منهم عشان هذا السبب,,
انا حمدت الله وقلت يمكن خيره بس والله مو مقتنعه بالسبب قمت سويت بحث عن المرض وعرفت ان المريض مايؤذي اللي حوله لأنه مرض عصبي مو نفسي,,
وخليت ابوي يشوف التقرير اللي نزلته من النت قال انا بس خايف عليك ,, وحلفته وش فيه غير المرض قال والله مافيه غير هذا السبب وانا خايف اذا انتي مقتنعه فخلاص براحتك ,,
انا محتاره ماابغى ارفض عشان مرض مااضمن صحتي ومااضمن وش يكون لو اخذت غيره,,
واخاف اوافق ولو صار اي شيء بعدين يقولوا هذا اختيارك ماحد جبرك ,,
آسفه طولتها بس ابيكم تشيروا علي ,,
الله يفرج هم كل وحده فيكم ويستر عليكم دنيا وآخره ,,
ولو تعرفون احد مريض بهالشيء وعايش حياته طبيعي طمنوني ,,
عن Rogerrush
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …